കോഴിക്കോട്: ചലച്ചിത്ര താരം ശശി കലിംഗ (59) അന്തരിച്ചു. വി. ചന്ദ്രകുമാര് എന്നാണ് യഥാര്ഥ പേര്. കോഴിക്കോട്ടെ സ്വകാര്യ ആശുപത്രിയില് വച്ച് ഇന്ന് പുലര്ച്ചെയായിരുന്നു അന്ത്യം. കരള് രോഗബാധിതനായി ചികിത്സയിലായിരുന്നു നാടക രംഗത്ത് തിളങ്ങി നിന്നിരുന്ന ശശി കലിംഗ ഹാസ്യകഥാപാത്രങ്ങളിലൂടെയാണ് ജനഹൃദയങ്ങള് കീഴടക്കിയത്. ഇരുപത്തിയഞ്ച് വര്ഷത്തോളം നാടകരംഗത്ത് പ്രവര്ത്തിച്ചു. അഞ്ഞൂറിലധികം നാടകങ്ങളില് അഭിനയിച്ച അദ്ദേഹം രഞ്ജിത്ത് സംവിധാനം ചെയ്ത ‘പാലേരിമാണിക്യം ഒരു പാതിരാക്കൊലപാതകത്തിന്റെ കഥ’ എന്ന ചിത്രത്തിലൂടെയാണ് വെളളിത്തിരയില് അരങ്ങേറ്റം കുറിച്ചത്. കേരളാ കഫേ, പ്രാഞ്ചിയേട്ടന് ആന്റ് ദ സെയിന്റ്, ഇന്ത്യന് റുപ്പി, ആമേന്, അമര് അക്ബര് ആന്റണി, വെള്ളിമൂങ്ങ, ആദാമിന്റെ മകന് അബു തുടങ്ങി നിരവധി സിനിമകളില് വേഷമിട്ടിട്ടുണ്ട്.
ചലച്ചിത്ര താരം ശശി കലിംഗ അന്തരിച്ചു
പുതിയ വാർത്തകൾ
Discussion about this post