ന്യൂഡല്ഹി: കോവിഡിനെ തുടര്ന്ന് രാജ്യത്തുണ്ടായ സാമ്പത്തിക പ്രതിസന്ധിയെ മറികടക്കാന് 20 ലക്ഷം കോടിയുടെ സാമ്പത്തിക പാക്കേജ് പ്രഖ്യാപിച്ച് പ്രധാനമന്ത്രി നരേന്ദ്രമോദി. കൊറോണ വൈറസ് വ്യാപനത്തിന്റെ പശ്ചാത്തലത്തില് രാജ്യത്തെ അഭിസംബോധന ചെയ്യവേയാണ് പ്രധാനമന്ത്രി പാക്കേജ് പ്രഖ്യാപിച്ചത്. എല്ലാ മേഖലകള്ക്കും ഉത്തേജനം നല്കാനാണ് പാക്കേജെന്ന് അദ്ദേഹം പറഞ്ഞു. രാജ്യത്തെ ഓരോ തൊഴിലാളിക്കും കര്ഷകനും രാജ്യത്തെ നിലനിര്ത്താന് പരിശ്രമിക്കുന്ന ഓരോ പൗരനും, മധ്യവര്ഗക്കാര്ക്കും ഉദ്യോഗസ്ഥര്ക്കും അങ്ങനെ രാജ്യത്തെ എല്ലാ സത്യസന്ധരായ പൗരന്മാര്ക്കുമുള്ളതാണ് ഈ പാക്കേജ്. കര്ഷകര്, തൊഴിലാളികള്, ചെറുകിട സംരഭകര്ക്കും നേട്ടമുണ്ടാകും. പ്രത്യേക പാക്കേജ് വിശദാംശങ്ങള് ബുധനാഴ്ച ധനമന്ത്രി നിര്മല സീതാരാമന് നല്കുമെന്നും പ്രധാനമന്ത്രി പറഞ്ഞു. ജിഡിപിയുടെ 10 ശതമാനം വരുന്ന പാക്കേജാണ് ആണ് പ്രഖ്യാപിച്ചത്. ആത്മനിര്ഭര് ഭാരത് അഭിയാന് എന്ന പേരിലാകും ഇത് പ്രാവര്ത്തികമാക്കുക. രാജ്യത്തെ വിവിധ മേഖലകള്ക്ക് ശക്തമായി തിരിച്ചു വരാനുള്ള ഊര്ജം ഈ പാക്കേജ് വഴി ലഭിക്കുമെന്നും പ്രധാനമന്ത്രി പറഞ്ഞു.
രാജ്യത്തെ സാമ്പത്തിക പ്രതിസന്ധി മറികടക്കാന് 20 ലക്ഷം കോടിയുടെ സാമ്പത്തിക പാക്കേജ് പ്രഖ്യാപിച്ച് പ്രധാനമന്ത്രി
'ആത്മനിര്ഭര് ഭാരത് അഭിയാന്'
പുതിയ വാർത്തകൾ
Discussion about this post