* 96 പേര് രോഗമുക്തി നേടി; ചികിത്സയിലുള്ളത് 1380 പേര്
തിരുവനന്തപുരം: കേരളത്തില് വെള്ളിയാഴ്ച 118 പേര്ക്ക് കൂടി കോവിഡ്-19 സ്ഥിരീകരിച്ചതായി ആരോഗ്യ മന്ത്രി കെ.കെ. ശൈലജ അറിയിച്ചു. മലപ്പുറം ജില്ലയില് നിന്നുള്ള 18 പേര്ക്കും, കൊല്ലം ജില്ലയില് നിന്നുള്ള 17 പേര്ക്കും, ആലപ്പുഴ ജില്ലയില് നിന്നുള്ള 13 പേര്ക്കും, എറണാകുളം ജില്ലയില് നിന്നുള്ള 11 പേര്ക്കും, പാലക്കാട് ജില്ലയില് നിന്നുള്ള 10 പേര്ക്കും, പത്തനംതിട്ട ജില്ലയില് നിന്നുള്ള 9 പേര്ക്കും, തിരുവനന്തപുരം, കണ്ണൂര് ജില്ലകളില് നിന്നുള്ള 8 പേര്ക്ക് വീതവും, കോട്ടയം ജില്ലയില് നിന്നുള്ള 7 പേര്ക്കും, കോഴിക്കോട് ജില്ലയില് നിന്നുള്ള 6 പേര്ക്കും, വയനാട്, കാസര്ഗോഡ് ജില്ലകളില് നിന്നുള്ള 4 പേര്ക്ക് വീതവും, ഇടുക്കി ജില്ലയില് നിന്നുള്ള 2 പേര്ക്കും, തൃശൂര് ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്.
രോഗം സ്ഥിരീകരിച്ചവരില് 67 പേര് വിദേശ രാജ്യങ്ങളില് നിന്നും (കുവൈറ്റ്-35, യു.എ.ഇ-14, സൗദി അറേബ്യ-10, ഒമാന്-3, റഷ്യ-2, ഖത്തര്-1, താജിക്കിസ്ഥാന്-1, കസാക്കിസ്ഥാന്-1) 45 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-16, ഡല്ഹി-9, തമിഴ്നാട്-8, കര്ണാടക-5, ആസാം-2, ഹരിയാന-2, ആന്ധ്രാപ്രദേശ്-2, തെലുങ്കാന-1) വന്നതാണ്.
ആറ് പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. തിരുവനന്തപുരം ജില്ലയിലെ മൂന്ന് പേര്ക്കും കണ്ണൂര്, കോട്ടയം, വയനാട് ജില്ലകളിലെ ഒരാള്ക്ക് വീതവുമാണ് സമ്പര്ക്കത്തിലൂടെ രോഗമുണ്ടായത്.
രോഗം സ്ഥിരീകരിച്ച് ചികിത്സയിലായിരുന്ന 96 പേരുടെ പരിശോധനാഫലം നെഗറ്റീവ് ആയി. കണ്ണൂര് ജില്ലയില് നിന്നുള്ള 21 പേരുടെയും (ഒരു കാസര്ഗോഡ്), മലപ്പുറം ജില്ലയില് നിന്നുള്ള 15 പേരുടെയും (ഒരു പാലക്കാട്), കൊല്ലം, പാലക്കാട് (ഒരു മലപ്പുറം, ഒരു തൃശൂര്) ജില്ലകളില് നിന്നുള്ള 14 പേരുടെ വീതവും, തൃശൂര് ജില്ലയില് നിന്നുള്ള 12 പേരുടെയും, കോട്ടയം ജില്ലയില് നിന്നുള്ള 7 പേരുടെയും (ഒരു തിരുവനന്തപുരം), ആലപ്പുഴ ജില്ലയില് നിന്നുള്ള 4 പേരുടെയും, തിരുവനന്തപുരം, കോഴിക്കോട്, കാസര്ഗോഡ് ജില്ലകളില് നിന്നുള്ള 3 പേരുടെ വീതവും പരിശോധനാഫലമാണ് നെഗറ്റീവ് ആയത്. ഇതോടെ 1380 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 1,509 പേര് ഇതുവരെ കോവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 1,32,569 പേരാണ് ഇപ്പോള് നിരീക്ഷണത്തിലുള്ളത്. ഇവരില് 1,30,655 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 1914 പേര് ആശുപത്രികളിലും നിരീക്ഷണത്തിലാണ്. 197 പേരെയാണ് വെള്ളിയാഴ്ച ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 4889 സാമ്പിളുകളാണ് പരിശോധിച്ചത്. ഇതുവരെ 1,30,358 വ്യക്തികളുടെ (സ്വകാര്യ ലാബിലെ സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചു. ഇതില് 3186 സാമ്പിളുകളുടെ പരിശോധനാ ഫലം വരാനുണ്ട്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് തുടങ്ങി മുന്ഗണനാ ഗ്രൂപ്പുകളില് നിന്ന് 36,051 സാമ്പിളുകള് ശേഖരിച്ചതില് 34,416 സാമ്പിളുകള് നെഗറ്റീവ് ആയി. റുട്ടീന് സാമ്പിള്, ഓഗ്മെന്റഡ് സാമ്പിള്, സെന്റിനല് സാമ്പില്, പൂള്ഡ് സെന്റിനില്, സി.ബി. നാറ്റ്, ട്രൂ നാറ്റ് എന്നിവ ഉള്പ്പെടെ ആകെ 1,73,729 സാമ്പിളുകളാണ് പരിശോധനയ്ക്കായി അയച്ചത്.
ഇന്ന് ഏഴ് പുതിയ ഹോട്ട് സ്പോട്ടുകളാണുള്ളത്. കണ്ണൂര് ജില്ലയിലെ ചപ്പാരപ്പടവ്, ഇരിക്കൂര്, കാങ്കോല്-ആലപ്പടമ്പ്, കീഴല്ലൂര്, മാടായി, രാമന്തളി, പടിയൂര് എന്നിവയാണ് പുതിയ ഹോട്ട് സ്പോട്ടുകള്.
കണ്ണൂര് ജില്ലയിലെ കുറ്റിയാട്ടൂര്, മയ്യില്, പാട്യം എന്നിവയെ ഹോട്ട് സ്പോട്ടില് നിന്നും ഒഴിവാക്കി. നിലവില് 112 ഹോട്ട് സ്പോട്ടുകളാണുള്ളത്.
Discussion about this post