തിരുവനന്തപുരം: സംസ്ഥാനത്തെ കോവിഡ് വ്യാപനം രൂക്ഷമായ സാഹചര്യത്തില് തിങ്കളാഴ്ച ചേരാനായി തീരുമാനിച്ചിരുന്ന നിയമസഭാ സമ്മേളനം മാറ്റിവച്ചു. വ്യാഴാഴ്ച ചേര്ന്ന മന്ത്രിസഭാ യോഗത്തിലാണ് തീരുമാനം. തിങ്കളാഴ്ച പ്രത്യേക മന്ത്രിസഭാ യോഗം ചേരും. സമ്പൂര്ണ ലോക്ക്ഡൗണ് ഏര്പ്പെടുത്തുന്നത് സംബന്ധിച്ച് യോഗത്തില് തീരുമാനിക്കും. നിശ്ചയിച്ചശേഷം കേരള നിയമസഭയുടെ ചരിത്രത്തില് നിയമസഭാ സമ്മേളനം റദ്ദാക്കുന്നത് ആദ്യമാണ്. തലസ്ഥാനത്ത് ഉള്പ്പെടെ കോവിഡ് പടരുന്ന സാഹചര്യത്തില് സഭ ചേരുന്നത് ഗുണകരമാകില്ലെന്ന വിലയിരുത്തലിലാണ് യോഗം മാറ്റിവച്ചത്. അതേസമയം, സഭാസമ്മേളനത്തില് സര്ക്കാരിനെതിരേ അവിശ്വാസപ്രമേയത്തിന് നോട്ടീസ് നല്കിയിരിക്കുന്ന പ്രതിപക്ഷം നിയമസഭ ഒഴിവാക്കുന്നതിനോട് യോജിച്ചിട്ടില്ല. സഭാസമ്മേളനം മാറ്റിയതോടെ സര്ക്കാരിനെതിരെ പ്രതിപക്ഷം വി.ഡി.സതീശന് നല്കിയ അവിശ്വാസ പ്രമേയ നോട്ടീസും റദ്ദായി. അവിശ്വാസ പ്രമേയ നോട്ടീസില് നിന്നും രക്ഷപ്പെടാനുള്ള സര്ക്കാര് ശ്രമത്തിന്റെ ഭാഗമായാണു നടപടിയെന്നു പ്രതിപക്ഷം ആരോപിക്കുന്നു. നിയമസഭാ സമ്മേളനം മാറ്റിവെക്കാനുള്ള തീരുമാനത്തെ ഒളിച്ചോട്ടമെന്ന് കോണ്ഗ്രസ് നേതാക്കള് കുറ്റപ്പെടുത്തി. സംസ്ഥാനത്ത് കോവിഡ് പടര്ന്നു തുടങ്ങിയതോടെയാണ് ബജറ്റ് സമ്മേളനം പാതിവഴിയില് നിര്ത്തി സഭ കഴിഞ്ഞ മാര്ച്ച് 13നു പിരിഞ്ഞത്. ബജറ്റിന്റെ ഭാഗമായുള്ള ധനബില് പാസാക്കിയിരുന്നില്ല. ജൂലൈ 31നു മുന്പ് ധനബില് പാസാക്കണം. കഴിഞ്ഞ 15നു ചേര്ന്ന മന്ത്രിസഭാ യോഗമാണ് ധനബില് പാസാക്കുന്നതിനായി 27ന് ഏകദിന നിയമസഭാ സമ്മേളനം വിളിച്ചു ചേര്ക്കാന് തീരുമാനിച്ചത്. സമ്മേളനം നിശ്ചയിച്ചശേഷം സസ്പെന്ഡ് ചെയ്യാന് ശിപാര്ശ ചെയ്യുന്നത് ആദ്യം കോവിഡിനെത്തുടര്ന്നു നിശ്ചയിച്ച നിയമസഭാ സമ്മേളനം സസ്പെന്ഡ് ചെയ്യാന് ഗവര്ണറോടു ശിപാര്ശ ചെയ്യാന് മന്ത്രിസഭ തീരുമാനിച്ചതോടെ കേരള നിയമസഭയില് മറ്റൊരു ചരിത്രം കൂടി പിറന്നു. നിയമസഭാ സമ്മേളനം നിശ്ചയിച്ചശേഷം ഒഴിവാക്കാന് വീണ്ടും മന്ത്രിസഭ ഗവര്ണറോടു ശുപാര്ശ ചെയ്യുന്നത് കേരള നിയമസഭയുടെ ചരിത്രത്തില് ആദ്യത്തേതാകും.
സമ്പൂര്ണ ലോക്ക്ഡൗണ് തീരുമാനം തിങ്കളാഴ്ച പ്രത്യേക മന്ത്രിസഭായോഗത്തില്
പുതിയ വാർത്തകൾ
Discussion about this post