ന്യൂഡല്ഹി: ആരോഗ്യരംഗം ആകാംക്ഷയോടെ കാത്തിരിക്കുന്ന കോവിഡ് വാക്സിന് രാജ്യത്ത് ഉടന് യാഥാര്ഥ്യമാകുമെന്ന് പ്രധാനമന്ത്രി നരേന്ദ്ര മോദി. മൂന്ന് വാക്സീനുകള് പരീക്ഷണത്തിന്റെ അന്തിമ ഘട്ടത്തിലാണ്. എല്ലാവര്ക്കും വാക്സിന് ലഭ്യമാക്കാന് പദ്ധതി തയാറാണെന്നും ചെങ്കോട്ടയില് 74-ാം സ്വാതന്ത്ര്യ ദിനത്തില് രാജ്യത്തെ അഭിസംബോധന ചെയ്ത് സംസാരിക്കവെയാണ് പ്രധാനമന്ത്രി വ്യക്തമാക്കി. കോവിഡിനെതിരേ സധൈര്യം പോരാടുന്ന ആരോഗ്യപ്രവര്ത്തകര്ക്ക് പ്രധാനമന്ത്രി ആദരമര്പ്പിച്ചു. ആരോഗ്യപ്രവര്ത്തകര് രാജ്യത്തിന് നല്കുന്നത് മഹനീയ സേവനമാണ്. നിശ്ചയദാര്ഢ്യം കൊണ്ട് കോവിഡ് പ്രതിസന്ധിയെ മറികടക്കാമെന്നും അദ്ദേഹം പറഞ്ഞു. രാജ്യത്ത് ആരോഗ്യരംഗം ഡിജിറ്റലാക്കുന്നതിന്റെ ഭാഗമായി എല്ലാവര്ക്കും ആരോഗ്യ തിരിച്ചറിയല് നമ്പര് നല്കുമെന്നും പ്രധാനമന്ത്രി കൂട്ടിച്ചേര്ത്തു.
Discussion about this post