കൊച്ചി: വയലിനിസ്റ്റ് ബാലഭാസ്കറിന്റെയും മകളുടെയും അപകട മരണത്തിലെ ദുരൂഹതയില് വ്യക്തത തേടി സിബിഐ അന്വേഷണ സംഘം ഇന്ന് നുണ പരിശോധനകള്ക്ക് തുടക്കം കുറിക്കും. കൊച്ചിയിലാണ് നുണപരിശോധന നടക്കുക. ബാലഭാസ്കറിന്റെ ഡ്രൈവര് അര്ജ്ജുന്, മാനേജര് പ്രകാശന് തമ്പി എന്നിവരുടെ നുണപരിശോധനയാണ് ഇന്ന് നടക്കുന്നത്.
ബാലഭാസ്കറിന്റെ സുഹൃത്ത് വിഷ്ണു സോമസുന്ദരം, സാക്ഷി കലാഭവന് സോബി എന്നിവരുടെ പരിശോധന നാളെ നടക്കും. അപകടം നടക്കുമ്പോള് വാഹനം ഓടിച്ചിരുന്നത് ബാലഭാസ്കര് ആണെന്ന ഡ്രൈവര് അര്ജ്ജുന്റെ മൊഴിയിലെയും പള്ളിപ്പുറത്ത് വാഹനം അപകടത്തില് പെടുന്നതിന് മുമ്പ് ബാലഭാസ്കറും കുടുംബവും ആക്രമിക്കപ്പെട്ടതായുള്ള സാക്ഷി കലാഭവന് സോബിയുടെയും മൊഴികളില് വ്യക്തത വരുത്തുകയാണ് പരിശോധനയുടെ പ്രധാന ദൌത്യം.
മാനേജര് പ്രകാശന് തമ്പിയും സുഹൃത്ത് വിഷ്ണു സോമ സുന്ദരവും സ്വര്ണ്ണക്കടത്ത് കേസില് ഉള്പ്പെട്ടതോടെയാണ് ഇവര് സംശയത്തിന്റെ നിഴലിലായത്. 2018 സെപ്റ്റംബര് 25 ന് പുലര്ച്ചെ തിരുവനന്തപുരം പള്ളിപ്പുറം സി ആര് പി എഫ് ക്യാമ്പിന് സമീപം നടന്ന കാര് അപകടത്തിലാണ് ബാലഭാസകറും മകളും മരിക്കുന്നത്.
Discussion about this post