തിരുവനന്തപുരം: കൊറാണ രോഗ വ്യാപനം രൂക്ഷമായ സാഹചര്യത്തില് തലസ്ഥാന നഗരിയില് വീണ്ടും ലോക്ഡൗണ് വേണ്ടി വരുമെന്ന് മേയര് കെ ശ്രീകുമാര്.രോഗികളുടെ എണ്ണം ഒരാഴ്ചക്കിടെ ആറായിരം കടന്ന സാഹചര്യത്തിലാണ് മുന്നറിയിപ്പുമായി നഗരസഭ രംഗത്തെത്തിയത്.
സംസ്ഥാനത്ത് ആദ്യമായാണ് ഒരു ജില്ലയില് രോഗികളുടെ എണ്ണം ആയിരം കടന്നത്. ഒരാഴ്ചക്കിടെ 6550 പേര്ക്കാണ് ജില്ലയില് കൊറോണ സ്ഥിരീകരിച്ചത്. ഇതിനു പുറമെ സംസ്ഥാനത്ത് ഇതുവരെ സ്ഥിരീകരിച്ച കൊറോണ മരണങ്ങളില് മുപ്പതു ശതമാനവും തലസ്ഥാന ജില്ലയിലാണ്. ലോക്ഡൗണ് ഇളവുകള് വന്നതോടെ ഭയമോ, ജാഗ്രതയോ ഇല്ലാതെ ആളുകള് പുറത്തിറങ്ങി പെരുമാറുന്നത് വലിയ പ്രതിസന്ധിയാണ് ഉണ്ടാക്കുന്നതെന്നും മേയര് പറഞ്ഞു.
പ്രതിദിനം രോഗികള് ആയിരം കടന്നതോടെ രണ്ടാം സമൂഹവ്യാപന വക്കിലാണ് തലസ്ഥാന ജില്ല. അതേസമയം കൊറോണ രോഗികളുടെ എണ്ണം ക്രമാതീതമായി വര്ദ്ധിക്കുന്ന സാഹചര്യത്തില് തിരുവനന്തപുരത്ത് കൂടുതല് ചികിത്സാകേന്ദ്രങ്ങള് ഒരുക്കുക എന്നത് അധികൃതര്ക്ക് കനത്ത വെല്ലുവിളിയാണ്. ഡോക്ടര്മാരുടേയും, ആരോഗ്യപ്രവര്ത്തകരുടേയും ദൗര്ലഭ്യമാണ് പ്രഥമഘട്ട ചികിത്സാകേന്ദ്രങ്ങളുടെ പ്രധാന പ്രതിസന്ധി. പരമാവധി ആളുകളെ വീടുകളില് പാര്പ്പിച്ച് ചികിത്സിക്കുന്നതിനായിരിക്കും ആരോഗ്യ വകുപ്പ് മുന്ഗണന നല്കുകയെന്നാണ് സൂചന.
Discussion about this post