പത്തനംതിട്ട: ശബരിമല മണ്ഡലകാല തീര്ത്ഥാടനത്തിന് മുന്നോടിയായി കൊറോണ മാര്ഗ്ഗനിര്ദ്ദേശങ്ങള് ആരോഗ്യവകുപ്പ് പുറത്തിറക്കി. മലകയറുന്നതിനിടെ 30 മിനിറ്റ് ഇടവിട്ടെങ്കിലും കൈകള് വൃത്തിയാക്കണമെന്നും മല കയറുമ്പോഴും ദര്ശനത്തിന് നില്ക്കുമ്പോഴും രണ്ട് അടി അകലം പാലിക്കണമെന്നും മാര്ഗനിര്ദ്ദേശങ്ങളില് പറയുന്നു.
രോഗലക്ഷണങ്ങള് പ്രകടിപ്പിക്കുന്നവര് തീര്ത്ഥാടനത്തില് നിന്നും പിന്മാറണം. മാസ്ക് നിര്ന്ധമായും ധരിക്കണം. തീര്ത്ഥാടകര്ക്ക് ഒപ്പമുളള ഡ്രൈവര്മാര്ക്കും മറ്റ് ആളുകള്ക്കും ഈ നിര്ദേശങ്ങള് ബാധകമാണെന്നും ആരോഗ്യ സെക്രട്ടറി പുറത്ത് വിട്ട മാര്ഗനിര്ദ്ദേശങ്ങളില് വ്യക്തമാക്കുന്നു.
ദര്ശനത്തിനെത്തുന്ന ഭക്തര് നിര്ബന്ധമായും കൊറോണ നെഗറ്റീവ് സര്ട്ടിഫിക്കറ്റ് ഹാജരാക്കണം. 24 മണിക്കൂറിനുള്ളില് പരിശോധന നടത്തിയ സര്ട്ടിഫിക്കറ്റാണ് വേണ്ടത്. നിലയ്ക്കല്, പമ്പാ എന്നിവിടങ്ങളിലും ശബരിമലയിലേക്ക് വരുന്ന ജില്ലകളിലെ വിവിധ കേന്ദ്രങ്ങളിലും പരിശോധന ഒരുക്കിയിട്ടുണ്ട്. മണ്ഡലകാല തീര്ത്ഥാടനത്തിനായി 15 നാണ് ശബരിമല നട തുറക്കുക
Discussion about this post