കൊച്ചി : പാലാരിവട്ടം പാലം നിര്മ്മാണ അഴിമതി കേസില് മുന് മന്ത്രി വി കെ ഇബ്രാഹിം കുഞ്ഞിന്റെ റിമാന്ഡ് കാലാവധി നീട്ടി. മൂവാറ്റുപുഴ വിജിലന്സ് കോടതിയാണ് റിമാന്ഡ് രണ്ടാഴ്ചത്തേക്ക് നീട്ടിയത്. ഡിസംബര് 16 വരെയാണ് റിമാന്റ് നീട്ടിയിരിക്കുന്നത്.
ചോദ്യം ചെയ്യലില് ലഭിച്ച വിവരങ്ങള് ഉള്പ്പെടുത്തിയ റിപ്പോര്ട്ട് വിജിലന്സ് കോടതിയില് സമര്പ്പിച്ചു. വീണ്ടും ചോദ്യം ചെയ്യാനുളള അപേക്ഷ ഫയല് ചെയ്യുമെന്ന് റിപ്പോര്ട്ടിലുണ്ട്. എന്നാല് വീണ്ടും ചോദ്യം ചെയ്യല് ഈ ഘട്ടത്തില് പരിഗണിക്കാനാകില്ലെന്ന് കോടതി വ്യക്തമാക്കി.
വീഡിയോ കോളിലൂടെ ജഡ്ജി ഇബ്രാഹിം കുഞ്ഞുമായി ആശയവിനിമയം നടത്തിയ ശേഷമാണ് റിമാന്റ് നീട്ടിയത്. നിലവില് ചികിത്സയിലുള്ള നെട്ടൂര് ലേക് ഷോര് ആശുപത്രിയില് തന്നെ ഇബ്രാഹിം കുഞ്ഞ് തുടരും.
Discussion about this post