സംസ്ഥാനത്ത് കോവിഡ് ബാധിച്ചവരുടെ എണ്ണം ഏഴു ലക്ഷം പിന്നിട്ടു

തിരുവനന്തപുരം: സംസ്ഥാനത്ത് ഇതുവരെ കോവിഡ് ബാധിച്ചവരുടെ എണ്ണം ഏഴു ലക്ഷം പിന്നിട്ടു. ഇന്നലെ 6,293 പേര്‍ക്കുകൂടി രോഗം സ്ഥിരീകരിച്ചതോടെ ആകെ കോവിഡ് ബാധിതര്‍ 7,00,158 ആയി. ഇവരില്‍ 60,396 പേരാണ് നിലവില്‍ ചികിത്സയിലുള്ളത്. മൊത്തം രോഗബാധിതരില്‍ 8.63 ശതമാനം മാത്രം.

ഇന്നലെ 4749 പേര്‍ രോഗമുക്തി നേടി. 59,995 സാന്പിളുകള്‍ പരിശോധിച്ചപ്പോള്‍ 10.49 ശതമാനം പേര്‍ക്കു രോഗം സ്ഥിരീകരിച്ചു. 29 മരണം കൂടി സ്ഥിരീകരിച്ചതോടെ ആകെ മരണം 2786 ആയി. ഇന്നലെ രോഗം സ്ഥിരീകരിച്ചവരില്‍ 5578 പേര്‍ക്കു സന്പര്‍ക്കത്തിലൂടെയാണു രോഗം ബാധിച്ചത്. 593 പേരുടെ സന്പര്‍ക്ക ഉറവിടം വ്യക്തമല്ല. 73 പേര്‍ സംസ്ഥാനത്തിനു പുറത്തുനിന്നു വന്നവരാണ്. 49 ആരോഗ്യപ്രവര്‍ത്തകര്‍ക്കും രോഗം ബാധിച്ചു

ഇന്നലെ രോഗം സ്ഥിരീകരിച്ചവര്‍: എറണാകുളം – 826, കോഴിക്കോട് – 777, മലപ്പുറം – 657, തൃശൂര്‍ – 656, കോട്ടയം – 578, ആലപ്പുഴ – 465, കൊല്ലം – 409, പാലക്കാട് – 390, പത്തനംതിട്ട – 375, തിരുവനന്തപുരം – 363, കണ്ണൂര്‍ – 268, വയനാട് – 239, ഇടുക്കി – 171, കാസര്‍ഗോഡ് – 119.