തിരുവനന്തപുരം: ലോക്ഡൗണ് കാലഘട്ടത്തിലും അവശ്യസാധനങ്ങളും അവശ്യസേവനങ്ങളും ജനങ്ങളിലെത്തിക്കുമെന്ന് ഉറപ്പ് നല്കി മുഖ്യമന്ത്രി പിണറായി വിജയന്. സാധനങ്ങള് ശേഖരിച്ചു വെച്ചില്ലെങ്കില് ബുദ്ധിമുട്ടുണ്ടാകുമെന്ന പരിഭ്രാന്തി കാരണം ആരും കടകളില് ആള്ക്കൂട്ടം സൃഷ്ടിക്കരുത്.അത് ലോക്ഡൗണ് കൊണ്ടുള്ള ഗുണം ഇല്ലാതാക്കുമെന്ന് അദ്ദേഹം അറിയിച്ചു. ഫേസ്ബുക്കിലൂടെയായിരുന്നു മുഖ്യമന്ത്രിയുടെ നിര്ദ്ദേശം.
രൂക്ഷമായി തുടരുന്ന കൊറോണ വ്യാപനം നിയന്ത്രണ വിധേയമാക്കാന് വേണ്ടി മാത്രമാണ് മെയ് എട്ടാം തീയതി മുതല് മെയ് പതിനാറാം തീയതി വരെ സംസ്ഥാന വ്യാപകമായി ലോക്ഡൗണ് പ്രഖ്യാപിച്ചിരിക്കുന്നത്. അവശ്യസാധനങ്ങളും അവശ്യ സേവനങ്ങളും ലോക്ഡൗണ് വേളയിലും എല്ലാവര്ക്കും ലഭിക്കാന് വേണ്ട സംവിധാനങ്ങള് ഒരുക്കും. സാധനങ്ങള് ശേഖരിച്ചു വച്ചില്ലെങ്കില് ബുദ്ധിമുട്ടാകുമെന്ന പരിഭ്രാന്തി കാരണം കടകളില് ആള്ക്കൂട്ടങ്ങള് സൃഷ്ടിക്കരുത്. അത് ലോക്ഡൗണ് നല്കേണ്ട ഗുണഫലം ഇല്ലാതാക്കുമെന്ന് മുഖ്യമന്ത്രി പറഞ്ഞു.
സാധനങ്ങള് വീടിന് ഏറ്റവും അടുത്തുള്ള കടയില് നിന്നും ഏറ്റവും കുറഞ്ഞ സമയം കൊണ്ട് വാങ്ങണം. കൂടുതല് ആളുകള് തിങ്ങി നിറയുന്ന അവസ്ഥ ഉണ്ടാകാതിരിക്കാന് സൂപ്പര് മാര്ക്കറ്റുകള് ശ്രദ്ധിക്കണം. ജനങ്ങളെ ബുദ്ധിമുട്ടിലാക്കുക എന്നതല്ല ലോക്ഡൗണിന്റെ ലക്ഷ്യമെന്നും കൊറോണ രോഗവ്യാപനം തടഞ്ഞ് എല്ലാവരേയും സുരക്ഷിതരാക്കുന്നതിനാണ് അത്തരമൊരു നടപടി എടുത്തിരിക്കുന്നതെന്നും പിണറായി വിജയന് അറിയിച്ചു. ഇത് വിജയിക്കാന് ഏറ്റവും അനിവാര്യമായ കാര്യം ജനങ്ങളുടെ സഹകരണമാണ്. ഉത്തരവാദിത്വബോധത്തോടെ അതെല്ലാവരും ഉറപ്പു വരുത്തണമെന്നും മുഖ്യമന്ത്രി കൂട്ടിച്ചേര്ത്തു.
Discussion about this post