തിരുവനന്തപുരം: ഈ വര്ഷത്തെ ഹയര്സെക്കന്ഡറി, വൊക്കേഷണല് ഹയര്സെക്കന്ഡറി പരീക്ഷാഫലം പ്രഖ്യാപിച്ചു. തിരുവനന്തപുരം പിആര്ഡി ചേംബറില് നടന്ന വാര്ത്താ സമ്മേളനത്തില് പൊതുവിഭ്യാഭ്യാസ മന്ത്രി വി. ശിവന്കുട്ടിയാണ് ഫലം പ്രഖ്യാപിച്ചത്.
ഹയര് സെക്കന്ഡറി വിഭാഗത്തില് 87.94 ശതമാനം വിദ്യാര്ഥികള് വിജയിച്ചു. 85.13 ശതമാനമായിരുന്നു കഴിഞ്ഞ വര്ഷത്തെ വിജയശതമാനം. 3,28,702 പേര് ഉന്നത പഠനത്തിന് യോഗ്യത നേടി. ഇതില് 48,383 പേര് മുഴുവന് വിഷയത്തിനും എ പ്ലസ് നേടി.
ഹ്യുമാനിറ്റീസിന് 80.4 ശതമാനവും കൊമേഴ്സ് വിഭഗത്തില് 89.13 ശതമാനവും കലാമണ്ഡലം 89.33 ശതമാനവും ടെക്നിക്കല് 84.39 ശതമാനം പേരും വിജയം കരസ്ഥമാക്കി. വിജയശതമാനം കൂടുതല് എറണാകുളം ജില്ലയിലാണ്. 91.11 ശതമാനം. കുറവ് പത്തനംതിട്ട ജില്ലയിലാണ് (82.53 ശതമാനം).
136 സ്കൂളുകള് നൂറ് ശതമാനം വിജയം കരസ്ഥമാക്കിയെന്നും മന്ത്രി പറഞ്ഞു. ഓപ്പണ് സ്കൂള് വിഭാഗത്തില് 53 ശതമാനമാണ് വിജയം. ഓപ്പണ് സ്കൂളില് 25,293 വിദ്യാര്ഥികള് വിജയിച്ചു.
വൊക്കേഷണല് ഹയര്സെക്കന്ഡറിയില് 80.36 ശതമാനമാണ് വിജയം. കഴിഞ്ഞ വര്ഷം 76.06 ശതമാനമായിരുന്നു വിജയം. വൊക്കേഷണല് ഹയര്സെക്കന്ഡറിയില് 239 വിദ്യാര്ഥികള് എല്ലാ വിഷയത്തിലും എ പ്ലസ് നേടി.
സ്പെഷല് സ്കൂളുകളില് നൂറ് ശതമാനം വിദ്യാര്ഥികളും വിജയിച്ചു. വ്യക്തിഗത പരീക്ഷാ ഫലം വൈകുന്നേരം നാല് മുതല് ലഭ്യമാകുമെന്നും മന്ത്രി കൂട്ടിച്ചേര്ത്തു.
