തിരുവനന്തപുരം: ബംഗാള് ഉള്ക്കടലിലെ ന്യൂനമര്ദ്ദം ശക്തി പ്രാപിക്കുന്നതിനാല് സംസ്ഥാനത്ത് ഇന്നും നാളെയും ഒറ്റപ്പെട്ട കനത്ത മഴയ്ക്ക് സാദ്ധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. അഞ്ച് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം ജില്ലകളിലാണ് ഓറഞ്ച് അലര്ട്ട്.
തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂര്, കോഴിക്കോട്, വയനാട് ജില്ലകളില് ഇന്ന് യെല്ലോ അലര്ട്ടാണ്. കേരളാ തീരത്ത് 40 മുതല് 50 കി. മീ വരെ വേഗത്തില് കാറ്റിന് സാദ്ധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. മത്സ്യത്തൊഴിലാളികള് കടലില് പോകരുതെന്ന് അധികൃതര് മുന്നറിയിപ്പ് നല്കി.
അതേസമയം ചെന്നൈയില് രണ്ട് ദിവസം കൂടി റെഡ് അലര്ട്ട് പ്രഖ്യാപിച്ചു. കാഞ്ചീപുരം, ചെങ്കല്പ്പേട്ട് അടക്കമുള്ള എട്ട് ജില്ലകളില് ഇന്ന് ഓറഞ്ച് അലര്ട്ടാണ്. സ്കൂളുകള്ക്കും കോളേജുകള്ക്കും അവധി പ്രഖ്യാപിച്ചു.
Discussion about this post