പാലക്കാട്: മലമ്പുഴ കുമ്പാച്ചി മലയില് നിന്നും സൈന്യത്തിന്റെ ഇടപെടലില് രക്ഷപെട്ട് ജില്ലാ ആശുപത്രിയില് ചികിത്സയില് കഴിഞ്ഞ ബാബു വീട്ടിലേക്കു മടങ്ങി. ആശുപത്രിയിലെ ചികിത്സ പൂര്ത്തിയായതിനെ തുടര്ന്നാണ് ബാബു മടങ്ങിയത്. ബാബുവിന്റെ ആരോഗ്യനില പൂര്ണമായും മെച്ചപ്പെട്ടു.
നാട്ടുകാരും സുഹൃത്തുക്കളും എത്തിയാണ് ബാബുവിനെ സ്വീകരിച്ചത്. ബാബുവിന് സാമ്പത്തിക സഹായവുമായി തൃശൂരില് നിന്നുള്ള ഒരുസംഘം ആളുകളും എത്തി. എല്ലാ സഹായവും ചെയ്ത് നല്കി കൂടെ നിന്നവര്ക്കും സൈനികര്ക്കും ബാബുവിന്റെ മാതാവ് റഷീദ നന്ദി പറഞ്ഞു.
തിങ്കളാഴ്ച ഉച്ചയോടെയാണ് ബാബുവും സുഹൃത്തുക്കളും കൂമ്പാച്ചിമല കയറിയത്. പകുതിവഴി കയറിയപ്പോള് കൂട്ടുകാര് മടങ്ങിയെങ്കിലും ബാബു കയറ്റം തുടര്ന്നു. എന്നാല് മലയുടെ മുകള്ത്തട്ടില്നിന്ന് അരക്കിലോമീറ്ററോളം താഴ്ചയുള്ള മലയിടുക്കില് ബാബു കുടുങ്ങുകയായിരുന്നു. 48 മണിക്കൂറിനു ശേഷം സൈന്യവും എന്ഡിആര്എഫും പോലീസും പര്വതാരോഹകരും ചേര്ന്നാണ് ബാബുവിനെ രക്ഷപ്പെടുത്തിയത്.
Discussion about this post