തിരുവനന്തപുരം: നയപ്രഖ്യാപന പ്രസംഗം തുടങ്ങുന്നതിനിടെ പ്രതിഷേധിച്ച പ്രതിപക്ഷത്തോടു കടുത്തഭാഷയില് പ്രതികരിച്ച് ഗവര്ണര് ആരിഫ് മുഹമ്മദ് ഖാന്. പ്രതിഷേധിക്കേണ്ട സമയം ഇതല്ലെന്നും ഉത്തരവാദിത്വമുള്ള സ്ഥാനത്തിരിക്കുന്നവര് ശരിയായി പെരുമാറണമെന്നും ഗവര്ണര് പറഞ്ഞു.
ഗവര്ണറുടെ നയപ്രഖ്യാപനം തുടങ്ങുന്നതിനു മുന്പായി പ്രതിപക്ഷനേതാവ് സംസാരിക്കാനായി എഴുന്നേറ്റതാണ് ഗവര്ണറെ ചൊടിപ്പിച്ചത്. നേരത്തെ ഗവര്ണര് ഗോ ബാക്ക് എന്ന വിളികളോടെയായിരുന്നു പ്രതിപക്ഷം ഗവര്ണറെ സഭയിലേക്കു വരവേറ്റത്.
പ്രതിപക്ഷത്തിന്റെ പ്രതിഷേധം പരിഗണിക്കാതെ ഗവര്ണര് പ്രസംഗം തുടങ്ങിയതോടെ നയപ്രഖ്യാപന പ്രസംഗം ബഹിഷ്കരിച്ചു പ്രതിപക്ഷം പുറത്തേക്കു പോയി.
പിന്നീട് പ്രതിപക്ഷം നിയമസഭാ കവാടത്തില് പ്രതിഷേധ ധര്ണ നടത്തി. സര്ക്കാരും ഗവര്ണറും തമ്മിലുള്ള ഒത്തുകളിയാണ് നടക്കുന്നതെന്നു പ്രതിപക്ഷം ആരോപിച്ചു.
Discussion about this post