തിരുവനന്തപുരം: നടന് ഇന്ദ്രന്സിന്റെ അമ്മ ഗോമതി നിര്യാതയായി. 90 വയസ്സായിരുന്നു. തിരുവനന്തപുരത്തെ വസതിയില് ഇന്ന് പുലര്ച്ചെയായിരുന്നു അന്ത്യം. സംസ്കാര ചടങ്ങുകള് ഉച്ചയ്ക്ക് ഒരു മണിയ്ക്ക് തിരുവനന്തപുരം ശാന്തികവാടത്തില് നടക്കും.
വാര്ദ്ധക്യസഹജമായ അസുഖത്തെ തുടര്ന്ന് കുറച്ചുനാളായി കിടപ്പിലായിരുന്നു. രണ്ട് ദിവസം മുന്പ് ഓര്മ്മ പൂര്ണമായും നഷ്ടപ്പെട്ടിരുന്നു. ഇന്നലെ അസുഖം മൂര്ച്ഛിച്ചതിനെ തുടര്ന്ന് തിരുവനന്തപുരം മെഡിക്കല് കോളേജ് ആശുപത്രിയില് ചികിത്സ തേടിയിരുന്നു.
ഇന്ദ്രന്സിന്റെ അച്ഛന് കൊച്ചുവേലും നേരത്തെ മരണപ്പെട്ടിരുന്നു. കൊച്ചുവേലുവിന്റെയും ഗോമതിയുടെയും ഒന്പത് മക്കളില് മൂന്നാമനാണ് ഇന്ദ്രന്സ്.
Discussion about this post