തിരുവനന്തപുരം: ആരോഗ്യവകുപ്പിനെ അധിക്ഷേപിക്കുന്ന തരത്തില്‍ വാര്‍ത്തകള്‍ പ്രചരിപ്പിക്കുന്നുവെന്ന ആരോപണവുമായി മന്ത്രി വീണാ ജോര്‍ജ്. ആരോഗ്യവകുപ്പ് ഏറ്റവും മോശം വകുപ്പെന്ന ചീഫ് സെക്രട്ടറിയുടെ പരാമര്‍ശത്തിന് പിന്നാലെയാണ് പ്രതികരണവുമായി മന്ത്രി രംഗത്തെത്തിയത്.
ഇത്തരം പ്രചാരണത്തിന് പിന്നില്‍ ആരോഗ്യവകുപ്പിലെ ചിലരാണ്. ഇരുപതും മുപ്പതും വര്‍ഷം മുന്‍പുള്ള ചില കേസുകളുമായി ബന്ധപ്പെട്ട വിഷയത്തിലാണ് ചീഫ് സെക്രട്ടറി അഭിപ്രായം പറഞ്ഞത്. ആരോഗ്യ വകുപ്പില്‍ മൊത്തം പ്രശ്‌നമാണെന്ന് വരുത്തി തീര്‍ക്കാനുള്ള അജണ്ടയോടുള്ള പ്രവര്‍ത്തനം നടക്കുന്നതായും മന്ത്രി കുറ്റപ്പെടുത്തി.
ആരോഗ്യവകുപ്പിലെ അഡ്മിനിസ്‌ട്രേറ്റീവ് വിഭാഗത്തെയാണ് ചീഫ് സെക്രട്ടറി വിമര്‍ശിച്ചത്. കോടതിയിലെ കേസുകള്‍, സ്ഥലംമാറ്റം, അച്ചടക്ക നടപടികള്‍, സീനിയോറിറ്റി ലിസ്റ്റ്, അവധി പുനഃക്രമീകരണം എന്നിവയിലടക്കം വീഴ്ചയുണ്ടായെന്നാണ് ചീഫ് സെക്രട്ടറി പറഞ്ഞത്.
