ന്യൂഡല്ഹി: രാജ്യത്ത് ഇന്ധനത്തിന്റെ എക്സൈസ് നികുതി കുറച്ചതു കൊണ്ടുള്ള നഷ്ടം കേന്ദ്രസര്ക്കാരിന് മാത്രമാണെന്ന് ധനമന്ത്രി നിര്മ്മല സീതാരാമന് പറഞ്ഞു. സംസ്ഥാനങ്ങള്ക്ക് പങ്ക് ലഭിക്കുന്ന അടിസ്ഥാന എക്സൈസ് നികുതിയില് മാറ്റം വരുത്തിയിട്ടില്ല. അതിനാല് സംസ്ഥാനങ്ങളുടെ നികുതി വരുമാനത്തില് മാറ്റമുണ്ടാകില്ല. എന്നാല് കേന്ദ്രസര്ക്കാരിന് ഒരു ലക്ഷം കോടിരൂപയുടെ നഷ്ടമാണ് ഉണ്ടായിരിക്കുന്നതെന്നും നിര്മ്മല സീതാരാമന് പറഞ്ഞു. ട്വിറ്ററിലൂടെയായിരുന്നു കേന്ദ്രമന്ത്രിയുടെ വിശദീകരണം.
2021ല് എക്സൈസ് നികുതി കുറച്ചപ്പോള് കേന്ദ്രസര്ക്കാരിന് 1,20,000 കോടിയുടെ നഷ്ടമുണ്ടായി.ഈ വര്ഷം എക്സൈസ് നികുതി കുറച്ചതിലൂടെ ആകെ 2,20,000 കോടിരൂപ കേന്ദ്രത്തിന് നഷ്ടമായെന്നും നിര്മ്മല സീതാരാമന് വ്യക്തമാക്കി.
അടിസ്ഥാന എക്സൈസ് തീരുവ, പ്രത്യേക അഡീഷണ് എക്സൈസ് തീരുവ, റോഡ് ആന്ഡ് ഇന്ഫ്രാസ്ട്രക്ചര് സെസ്, അഗ്രിക്കള്ച്ചര് ആന്ഡ് ഇന്ഫ്രാസ്ട്രക്ചര് ഡെവലപ്മെന്റ് സെസ് എന്നിവയടങ്ങുന്നതാണ് പെട്രോളിന്റെയും ഡീസലിന്റെയും എക്സൈസ് ഡ്യൂട്ടി. ഇതില് അടിസ്ഥാന എക്സൈസ് തീരുവ സംസ്ഥാനങ്ങളുമായി പങ്കുവെയ്ക്കുന്നതും മറ്റുള്ള പങ്കുവയ്ക്കാത്തതുമാണ്. സംസ്ഥാനങ്ങളുമായി പങ്കുവെയ്ക്കുന്ന അടിസ്ഥാന എക്സൈസ് തീരുവയില് തൊട്ടിട്ടില്ലെന്നും ധനമന്ത്രി പറഞ്ഞു.
Discussion about this post