തിരുവനന്തപുരം: സജി ചെറിയാന് എംഎല്എയ്ക്കെതിരെ പോലീസ് കേസെടുത്തു. ഭരണഘടനയെ അധിക്ഷേപിച്ച് പ്രസംഗിച്ചതിനാണ് നടപടി. ഭരണഘടനയെ അവഹേളിച്ചെന്ന കുറ്റം ചുമത്തി കീഴ്വായ്പൂര് പോലീസാണ് എഫ്ഐആര് രജിസ്റ്റര് ചെയ്തത്. പരമാവധി മൂന്ന് വര്ഷം വരെ തടവും പിഴയും ലഭിക്കാവുന്ന വകുപ്പാണിത്.
മന്ത്രി ഭരണഘടനയെ അവഹേളിച്ചെന്ന പരാതിയില് കേസെടുക്കണമെന്ന് തിരുവല്ല ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി പോലീസിന് നിര്ദേശം നല്കിയിരുന്നു.
കോടതി നിര്ദേശിച്ചാല് 24 മണിക്കൂറിനുള്ളില് കേസടുക്കണം. അതിനാലാണ് പോലീസ് ഇന്ന് തന്നെ കേസെടുത്തത്. പ്രിവന്ഷന് ഓഫ് ഇന്സള്ട്ട് ടു നാഷണല് ഓണര് ആക്ടിലെ രണ്ടാം വകുപ്പ് പ്രകാരമാണ് കേസെടുത്തത്.
പ്രസംഗത്തിന്റെ വീഡിയോ ദൃശ്യം പരിശോധിച്ച ശേഷമായിരുന്നു കീഴ്വായ്പൂര് പോലീസിന്റെ നടപടി. വാക്കുകൊണ്ടോ പ്രവര്ത്തി കൊണ്ടോ ഭരണഘടനയെ അവഹേളിക്കുന്നതിനെതിരായ വകുപ്പാണിത്.
Discussion about this post