തിരുവനന്തപുരം: ആര്എസ്എസ് പരിപാടിയില് പങ്കെടുത്തെന്ന വിമര്ശനത്തിന് മറുപടിയുമായി വി.ഡി.സതീശന്. താന് പങ്കെടുത്ത പുസ്തകപ്രകാശന ചടങ്ങ് ആര്എസ്എസ് പരിപാടിയായിരുന്നില്ലെന്ന് പ്രതിപക്ഷ നേതാവ് പറഞ്ഞു. പി.പരമേശ്വരന്റെ പുസ്തക പ്രകാശനമാണ് നടന്നതെന്നും സതീശന് പറഞ്ഞു.
പി.പരമേശ്വരനെ ആര്എസ്എസ് നേതാവായി മാത്രം കാണാനാകില്ല. പുസ്തകം ആദ്യം പ്രകാശനം ചെയ്തത് അന്നത്തെ പ്രതിപക്ഷനേതാവായിരുന്ന വി.എസ്.അച്യൂതാന്ദനാണ്. തനിക്കെതിരായ വിമര്ശനങ്ങള് വിഎസിനും ബാധകമാണെന്നും സതീശന് വിമര്ശിച്ചു.
സജി ചെറിയാന് പറഞ്ഞത് വിചാരധാരയിലെ ആശയങ്ങളാണെന്ന തന്റെ പരാമര്ശത്തില് ഉറച്ചു നില്ക്കുന്നു. ഇക്കാര്യം ആര്എസ്എസ്- സിപിഎം നേതാക്കളാരും ഇതുവരെ നിഷേധിച്ചിട്ടില്ലെന്നും സതീശന് കൂട്ടിച്ചേര്ത്തു.
Discussion about this post