ശ്രീപത്മനാഭസ്വാമി ക്ഷേത്രത്തില്‍ പെരുന്തിരമൃതുപൂജ

തിരുവനന്തപുരം: ശ്രീപത്മനാഭസ്വാമി ക്ഷേത്രത്തില്‍ ആനികളഭത്തോടനുബന്ധിച്ചുള്ള ആടി പെരുന്തിരമൃതുപൂജ 17ന് ക്ഷേത്ര തന്ത്രി തരണനല്ലൂര്‍ സതീശന്‍ നമ്പൂതിരിപ്പാടിന്റെ മുഖ്യകാര്‍മികത്വത്തില്‍ നടക്കും. അന്നേദിവസം കലശാഭിഷേകവും നെയ്യ് അഭിഷേകവും തേന്‍ അഭിഷേകവും ഉണ്ടായിരിക്കും. ഈ വഴിപാടിന്റെ പ്രസാദം കൗണ്ടറുകളില്‍ ശീട്ടാക്കി വാങ്ങാവുന്നതാണ്. അന്നേദിവസം ഭക്തര്‍ക്ക് നിര്‍മാല്യദര്‍ശനം കഴിഞ്ഞ് രാവിലെ 6.30 മുതല്‍ 7 വരെയും ശേഷം 9.45 മുല്‍# 10.30 വരെയും മാത്രമേ ദര്‍ശനം ഉണ്ടായിരിക്കുകയുള്ളൂ. വൈകുന്നേരം 5 മുതല്‍ 6 വരെ ദര്‍ശനവും തുടര്‍ന്ന് തന്ത്രയുടെ മുഖ്യകാര്‍മികത്വത്തില്‍ ശ്രീഭൂതബലിയും 8.30ന് ശ്രീബലി എഴുന്നള്ളിപ്പും നടക്കും. കലശദര്‍ശന സമയം രാവിലെ 8 മുതല്‍ 9 വരെയായിരിക്കും.