ശബരിമല: നിറപുത്തരി പൂജകള്ക്കായി ഇന്ന് പുലര്ച്ചെ 4 ന് ശബരിമല ശ്രീകോവില് നട തുറന്നു. 5.40 നും 6നും മദ്ധ്യേയാണ് നിറയും പുത്തരിയും ചടങ്ങ്. പൂജകള്ക്കായി നട തുറന്ന ഇന്നലെ വൈകിട്ട് അഞ്ചിന് തന്ത്രി കണ്ഠരര് മഹേഷ് മോഹനരുടെ സാന്നിദ്ധ്യത്തില് മേല്ശാന്തി എന്.പരമേശ്വരന് നമ്പൂതിരി ദീപങ്ങള് തെളിച്ചു.
പാലക്കാട് ജില്ലയിലെ കൊല്ലംകോട്, ചെട്ടികുളങ്ങര എന്നിവിടങ്ങളില് നിന്ന് കൊണ്ടുവന്ന കതിര്കറ്റകളാണ് ഉപയോഗിക്കുന്നത്. ഇല്ലംനിറ വല്ലം നിറ എന്ന സങ്കല്പ്പത്തില് ആദ്യം ശ്രീകോവിലിന് മുന്നില് പൂജിച്ച നെല്കതിര് കെട്ടി. കതിരുകള് ഭക്തര്ക്ക് പ്രസാദമായി നല്കി. തുടര്ന്ന് നെയ്യഭിഷേകം നടക്കും. രാത്രി 10 ന് നട അടയ്ക്കും. ചിങ്ങമാസ പൂജകള്ക്കായി ആഗസ്റ്റ് 16ന് വൈകിട്ട് അഞ്ചിന് നട തുറക്കും. 21ന് രാത്രി അടയ്ക്കും. ദേവസ്വം ബോര്ഡ് പ്രസിഡന്റ് അഡ്വ.കെ.അനന്തഗോപന്, നടന് ജയറാം തുടങ്ങിയവര് ദര്ശനത്തിനായി എത്തിയിരുന്നു. കണ്ഠരര് മഹേഷ് മോഹനര് ഭക്തര്ക്ക് വിഭൂതി പ്രസാദം നല്കി.
Discussion about this post