ന്യൂഡല്ഹി: സുപ്രീം കോടതി ചീഫ് ജസ്റ്റിസ് എന്വി രമണയുടെ കലാവധി അവസാനിക്കുന്ന ദിനം ചരിത്രത്തിന്റെ ഭാഗമാകുന്നു. സുപ്രീം കോടതിയുടെ ചരിത്രത്തില് ആദ്യമായി വാദങ്ങള് ഇന്ന് തത്സമയ സംപ്രേക്ഷണം ചെയ്യും.20-ഓളം കേസുകളില് സുപ്രീം കോടതി വാദം കേള്ക്കുന്നതും വിധിന്യായങ്ങളും ആദ്യമായി സ്ട്രീം ചെയ്യും.നാഷണല് ഇന്ഫോര്മാറ്റിക്സ് സെന്ററിന്റെ വെബ്കാസ്റ്റ് പോര്ട്ടലിലൂടെയാണ് തത്സമയം സംപ്രേക്ഷണം ചെയ്യുക.ചീഫ് ജസ്റ്റിസിന്റെ കോടതിയുടെയും സെറിമോണിയല് ബെഞ്ചിന്റെയും നടപടികളാകും ആദ്യമായി തത്സമയമായി വീക്ഷിക്കാന് കഴിയുക.
കോടതിയെ ഇ-കോടതി ആക്കി മാറ്റുക എന്ന ലക്ഷ്യത്തിലാണ് തത്സമയ സംപ്രേക്ഷണം നടത്തുന്നത്. സാങ്കേതിക വിദ്യ ഉപയോഗപ്പെടുത്തി നീതി ന്യായ വ്യവസ്ഥയില് കൂടുതല് സുതാര്യത ഉറപ്പാക്കും. നിലവില്, ഗുജറാത്ത്, ഒറീസ്സ, കര്ണാടക, ജാര്ഖണ്ഡ്, പട്ന, മധ്യപ്രദേശ് എന്നിങ്ങനെ രാജ്യത്തെ ആറ് ഹൈക്കോടതികള് അവരുടെ സ്വന്തം ചാനലുകള് വഴി യുട്യൂബില് തത്സമയ സ്ട്രീം ചെയ്യുന്നുണ്ട്.
നിലവിലെ ചീഫ് ജസ്റ്റിസ് എന്വി രമണ വിരമിക്കുന്ന സാഹചര്യത്തിലാണ് തത്സമയ സംപ്രേക്ഷണം നടത്തുന്നത്. സുപ്രീം കോടതി ചീഫ് ജസ്റ്റിസുമാരില് അധിക കാലം പദവിയില് തുടര്ന്ന ചീഫ് ജസ്റ്റിസാണ് എന്വി രമണ. 2014-ലാണ് സുപ്രീം കോടതിയിലേക്ക് നിയമിതനായത്. ആന്ധ്ര ഹൈക്കോടതിയില് നിന്ന് സുപ്രിംകോടതി ചീഫ് ജസ്റ്റിസ് ആകുന്ന ആദ്യ ജഡ്ജിയുമാണ് എന് വി രമണ.കഴിഞ്ഞ വര്ഷം മാര്ച്ച് 24നാണ് രാജ്യത്തെ 48-ാം ചീഫ് ജസ്റ്റിസായി ജസ്റ്റിസ് എന്.വി. രമണ സത്യപ്രതിജ്ഞ ചെയ്ത് ചുമതലയേറ്റത്. എസ്.എ. ബോബ്ഡെയുടെ പിന്ഗാമിയായാണ് ഇദ്ദേഹത്തെ നിയമിച്ചത്.
Discussion about this post