തിരുവനന്തപുരം: പൂജപ്പുര കേരള റോളര് സ്കേറ്റിംഗ് അക്കാഡമിയുടെ ആഭിമുഖ്യത്തില് ലഹരിവിരുദ്ധ റാലി സംഘടിപ്പിച്ചു. വാമനന്റെയും മഹാബലിയുടെയും വേഷങ്ങളണിഞ്ഞുകൊണ്ട് ഓണസന്ദേശവിളംബരമായാണ് കുട്ടികള് റോളര് സ്കേറ്റിംഗ് റാലി നടത്തിയത്. കലാലയങ്ങളിലും പൊതുസമൂഹത്തിലും മയക്കുമരുന്നിന്റെ കടന്നുവരവിനെതിരെ ബോധവല്ക്കണ സന്ദേശമായാണ് റാലി സംഘടിപ്പിച്ചത്. പൂജപ്പുര പോലീസ് സ്റ്റേഷനില് നിന്നാരംഭിച്ച റാലി വിദ്യാഭ്യാസ തൊഴില് വകുപ്പുമന്ത്രി വി.ശിവന്കുട്ടി ഉദ്ഘാടനം ചെയ്തു. തിരുവനന്തപുരം നഗരത്തിലെ പൂജപ്പുര, കരമന, തമ്പാനൂര്, കന്റോണ്മെന്റ്, മ്യൂസിയം തുടങ്ങിയ അഞ്ചു പോലീസ് സ്റ്റേഷനുകളില് റാലി എത്തിച്ചേര്ന്നപ്പോള് അതാതിടങ്ങളിലെ സ്റ്റേഷന് ഓഫീസര്മാരുടെ നേതൃത്വത്തില് കുട്ടികളെ സ്വീകരിച്ചു.
കുട്ടികള് പോലീസ് ഉദ്യോഗസ്ഥര്ക്ക് സ്നേഹോപഹാരം നല്കിയാണ് മടങ്ങിയത്. ‘മയക്കുമരുന്ന് വേണ്ടേ വേണ്ട’ എന്ന ആശയം ഉയര്ത്തിപ്പിടിച്ചുകൊണ്ടു നടന്ന റാലിക്ക് മികച്ച പിന്തുണ ലഭിച്ചിട്ടുണ്ടെന്ന് അക്കാഡമി മുഖ്യപരിശീലകന് സന്തോഷ് കുമാര് പുണ്യഭൂമിയോട് പറഞ്ഞു.
Discussion about this post