കൊച്ചി: വിഴിഞ്ഞം സമരത്തിന് ഐക്യദാര്ഢ്യം പ്രഖ്യാപിച്ച് കൊച്ചിയില് ശനിയാഴ്ച മനുഷ്യചങ്ങല തീര്ക്കും. കൊച്ചി – ആലപ്പുഴ രൂപതകള് സംയുക്തമായാണ് മനുഷ്യചങ്ങല തീര്ക്കുന്നത്. കേരള റീജണല് ലാറ്റിന് കാത്തലിക് കൗണ്സില് വൈസ് പ്രസിഡന്റ് ജോസഫ് ജൂഡ് മനുഷ്യചങ്ങല ഉദ്ഘാടനം ചെയ്യും. ചെല്ലാനം മുതല് ബീച്ച് റോഡ് തിരുമുഖ തീര്ഥാടന കേന്ദ്രം വരെ 17കിലോമീറ്റര് നീളത്തിലാണ് ചങ്ങല.
തീര സുരക്ഷ ഉറപ്പാക്കുന്നതുവരെ വിഴിഞ്ഞം തുറമുഖ നിര്മാണം നിറുത്തിവെക്കുക, മത്സ്യത്തൊഴിലാളികള്ക്ക് തൊഴില് ഉറപ്പാക്കുക, പുനരധിവാസവും നഷ്ടപരിഹാരവും ഉറപ്പ് നല്കുക, കൊച്ചിയില് ടെട്രാ പോഡ് കടല്ഭിത്തി നിര്മാണം ഫോര്ട്ടുകൊച്ചി വരെ വ്യാപിപ്പിക്കുക. കണ്ണമാലി പുത്തന്തോട് മുതല് ഫോര്ട്ടുകൊച്ചി വരെ കടല്ഭിത്തി നിര്മാണത്തിന് ആവശ്യമായ ഫണ്ട് നല്കുക തുടങ്ങി നിരവധി ആവശ്യങ്ങളാണ് മനുഷ്യചങ്ങലയില് മുന്നോട്ട് വയ്ക്കുന്നത്.
Discussion about this post