തിരുവനന്തപുരം: വൈവിദ്ധ്യമാര്ന്ന കലാ – സാംസ്കാരിക തനിമ വിളിച്ചോതുന്ന നിശ്ചല ദൃശ്യങ്ങളും കലാരൂപങ്ങളും ഇന്ന് നടക്കുന്ന ഓണാഘോഷ സമാപന ഘോഷയാത്രയ്ക്ക് മിഴിവേകും. ഇന്ത്യയിലെ പത്ത് സംസ്ഥാനങ്ങളിലെ കലാസംഘങ്ങളാണ് ഘോഷയാത്രയിലുണ്ടാകുക. ജമ്മു കാശ്മീര്, പഞ്ചാബ്, ഹരിയാന, ഉത്തരാഖണ്ഡ്,രാജസ്ഥാന്,ഗുജറാത്ത്,അസാം,നോര്ത്ത് കര്ണാടക,മഹാരാഷ്ട്ര,സൗത്ത് കര്ണാടക എന്നീ സംസ്ഥാനങ്ങളിലെ സുപ്രധാന കലാരൂപങ്ങളാണ് ഭാരത് ഭവന്റെ നേതൃത്വത്തില് സവിശേഷ രൂപകല്പനയോടെ ഘോഷയാത്രയില് അണിനിരക്കുന്നത്. വാദ്യഘോഷങ്ങള്ക്കുമൊപ്പം കേരള പൊലീസിന്റെ അശ്വാരൂഢ സേനയും വിവിധ സേനാവിഭാഗങ്ങളുടെ ബാന്ഡുകളും ഘോഷയാത്രയില് അണിനിരക്കും.
കേന്ദ്ര,സംസ്ഥാന സര്ക്കാര്,അര്ദ്ധ സര്ക്കാര് ,സഹകരണ, തദ്ദേശസ്വയംഭരണ വകുപ്പുകള് അവതരിപ്പിക്കുന്ന നിശ്ചല ദൃശ്യങ്ങള് ഘോഷയാത്രയില് പങ്കാളികളാകും. ഇതരസംസ്ഥാനങ്ങളിലേതുള്പ്പടെ കേരളത്തിലേയും തനത് കലാരൂപങ്ങളുള്പ്പടെ എണ്പതോളം കലാരൂപങ്ങള് ഘോഷയാത്രയ്ക്ക് മിഴിവേകും. ആകെ 75 ഫ്ളോട്ടുകളും 77 കലാരൂപങ്ങളും ഘോഷയാത്രയുടെ ഭാഗമായി അണിനിരക്കും. മുത്തുക്കുടയുമായി എന്.സി.സി കേഡറ്റുകള് ഘോഷയാത്രയുടെ മുന്നിലുണ്ടാകും.
അശ്വാരൂഢ സേന, ചവിട്ട് നാടകം, പരിചമുട്ടുകളി, പ്രധാന ബാനറിന് പിറകില് പൊലീസ് ബാന്ഡ്, അശ്വാരൂഢ സേന, മുത്തുക്കുടയും വെഞ്ചാമരവുമേന്തിയ എന്.സി.സി കേഡറ്റുകള്,കൊമ്പ് പാട്ട്, ഗരുഡന് പറവ,പൊയ്ക്കാല് ,കുഴല്പ്പാട്ട്, ഓട്ടന്തുള്ളല്, ശീതങ്കന് തുള്ളല്, പറയന് തുള്ളല്, ചാക്യാര്കൂത്ത്, കൂടിയാട്ടം, പൂക്കാവടി, തെയ്യം,സൂമ്പാഡാന്സ്, വേലകളി, കേരളനടനം, മോഹിനിയാട്ടം, പൂരക്കളി, ഓലക്കുട, ഒപ്പന, മാര്ഗ്ഗം കളി, അര്ജുന നൃത്തം, ചവിട്ട് നാടകം, പരിചമുട്ടുകളി, പാക്കനാര് കളി, കമ്പടവ് കളി തുടങ്ങിയ 39 കലാരൂപങ്ങള് അണിനിരക്കും. പിന്നാലെ ആദ്യ ഫ്ളോട്ട് ടൂറിസം വകുപ്പ് അവതരിപ്പിക്കും. രണ്ടാമത്തെ ഫ്ളോട്ട് നവകേരള കര്മ്മ സമിതിയുടേതായിരിക്കും. തുടര്ന്ന് ചെണ്ടമേളം,കേരളപൊലീസ് അവതരിപ്പിക്കുന്ന ഫ്ളോട്ട്, തുടര്ന്ന് വിദ്യാഭ്യാസ വകുപ്പിന്റെ ഫ്ളോട്ട്,പിന്നാലെ ശിങ്കാരിമേളം.തിരുവനന്തപുരം കോര്പ്പറേഷന് ,ധനകാര്യ വകുപ്പ്,സിവില് സപ്ലൈസ്,മോട്ടോര് വാഹനവകുപ്പ്,മൃഗസംരക്ഷണ വകുപ്പ്,വനം വകുപ്പ്, വനിതാശിശുവികസന വകുപ്പ്,സര്വേ ഭൂരേഖ വകുപ്പ്,ചീഫ് ഇലക്ട്രിക്കല് ഇന്സ്പെക്ടറേറ്റ്, ഇന്ഫര്മേഷന് കേരള മിഷന് എന്നിങ്ങനെ 75 വകുപ്പുകളുടെ ഫ്ളോട്ട് അണിനിരക്കും. ഇവയ്ക്കൊപ്പം വനിതാ ശിങ്കാരിമേളം, ബാന്ഡ് മേളം, പൂക്കാവടി തുടങ്ങി വിവിധങ്ങളായ കലാരൂപങ്ങളും അണിനിരക്കും.
Discussion about this post