തിരുവനന്തപുരം: തെരുവുനായ പ്രശ്നത്തില് സര്ക്കുലര് ഇറക്കി. സംസ്ഥാന പോലീസ് മേധാവി അനില് കാന്ത്. ജനങ്ങള് നായ്ക്കളെ കൊല്ലാതിരിക്കാന് റസിഡന്സ് അസോസിയേഷന് മുഖേന ബോധവല്ക്കരണം നടത്തുമെന്ന് സര്ക്കുലറില് വ്യക്തമാക്കുന്നു. സ്റ്റേഷന് ഹൗസ് ഓഫീസര്മാര്ക്ക് നല്കിയ സര്ക്കുലറിലാണ് നിര്ദ്ദേശം.
നായ്ക്കളെ കൊല്ലുന്നത് തടവും പിഴയും കിട്ടാവുന്ന കുറ്റമാണെന്നു ജനങ്ങളെ ബോധ്യപ്പെടുത്തണം.വളര്ത്തുനായ്ക്കളെ തെരുവില് ഉപേക്ഷിക്കുന്നതും കുറ്റകരമാണെന്നും ജനങ്ങള്ക്ക് ബോധവല്ക്കരണം നല്കണമെന്നും സര്ക്കുലറില് പറയുന്നു.
തെരുവുനായ്ക്കളുടെ അക്രമങ്ങള് വര്ദ്ധിച്ച സാഹചര്യത്തില് അവയെ കൊന്നുകളഞ്ഞെന്നു ചൂണ്ടിക്കാട്ടി നിരവധി ഹര്ജികള് ഹൈക്കോടതിക്ക് മുന്നിലെത്തിയിരുന്ന പശ്ചാത്തലത്തലത്തിലാണ് ഡിജിപി സര്ക്കുലര് ഇറക്കിയത്.
