മുംബയ്: പഴം ഇറക്കുമതിയുടെ മറവില് രാജ്യത്തേക്ക് വന്തോതില് ലഹരി മരുന്ന് ഇറക്കുമതി ചെയ്ത മലയാളി അറസ്റ്റില്. മുംബയ് വാശിയിലെ യമ്മിറ്റോ ഇന്റര്നാഷണല് ഫുഡ് മാനേജിംഗ് ഡയറക്ടര് എറണാകുളം കാലടി സ്വദേശി വിജിന് വര്ഗീസാണ് ഡയറക്ടറേറ്റ് ഒഫ് റവന്യൂ ഇന്റലിജന്സിന്റെ പിടിയിലായത്. സെപ്തംബര് 30നാണ് 1476 കോടി രൂപയുടെ ലഹരി മരുന്നുമായി എത്തിയ ട്രക്ക് പിടികൂടിയത്.
198 കിലോ മെത്തും ഒമ്പത് കിലോ കൊക്കെയ്നുമാണ് പിടികൂടിയത്. ഓറഞ്ചിനടിയില് ഒളിപ്പിച്ച നിലയിലായിരുന്നു ലഹരിമരുന്ന്. സ്ഥാപനത്തിന്റെ വെയര്ഹൗസും ശീതീകരണികളും കാലടിയിലാണ് സ്ഥിതിചെയ്യുന്നത്. രാജ്യത്തെ ഏറ്റവും വലിയ ലഹരിവേട്ടകളിലൊന്നാണ് ഇതെന്ന് ഡിആര്ഐ വ്യക്തമാക്കി.
വിജിന് ഉടമയായ കമ്പനിയുടെ പേരിലാണ് ലഹരി മരുന്നുകള് എത്തിയത്. ഇറക്കുമതി ചെയ്ത ഓറഞ്ചുകള് എന്നായിരുന്നു രേഖകളില് കാണിച്ചിരുന്നത്. വിജിന്റെ കൂട്ടാളി മന്സൂര് തച്ചാംപറമ്പിനായി ഡിആര്ഐ തെരച്ചില് നടത്തുകയാണ്. മോര് ഫ്രഷ് എക്സ്പോര്ട്ടിന്റെ ഉടമയാണ് മന്സൂര് തച്ചാംപറമ്പ്. ലഹരിക്കടത്തില് 70ശതമാനം ലാഭം വിജിനും 30 ശതമാനം മന്സൂറിനുമെന്ന തരത്തിലാണ് ഡീല് എന്ന് ഡിആര്ഐ വ്യക്തമാക്കി. നേരത്തേ മാസ്ക് ഇറക്കുമതിയും സ്ഥാപനം നടത്തിയിരുന്നു. ഇതിന്റെ മറവിലും ലഹരിക്കടത്ത് നടന്നോയെന്ന വിശദമായ പരിശോധന നടത്തി തെളിവുകള് ശേഖരിച്ചു.
Discussion about this post