സ്റ്റോക്ക്ഹോം: 2022ലെ രസതന്ത്രത്തിനുള്ള നൊബേല് പുരസ്കാരം മൂന്ന് പേര്ക്ക്. അമേരിക്കന് ഗവേഷകരായ കരോലിന് ആര്. ബെര്റ്റോസി, കെ. ബാരി ഷാര്പ്പ്ലെസ്, ഡെന്മാര്ക്കിലെ മോര്ട്ടല് മെല്ഡല് എന്നിവരാണ് പുരസ്കാരത്തിന് അര്ഹരായത്.
ബയോര്ത്തോഗണല് രസതന്ത്രവും ക്ളിക്ക് രസതന്ത്രവും വികസിപ്പിച്ചതിനാണ് നൊബേല്. പുതിയ മരുന്നുകള് എളുപ്പത്തില് രൂപപ്പെടുത്താന് വഴിതുറക്കുന്നതാണ് ഇവരുടെ കണ്ടെത്തല്. സമ്മാനത്തുകയായ 7.5 കോടി രൂപ മൂവര്ക്കും തുല്യമായി ലഭിക്കും.
ബുദ്ധിമുട്ടേറിയ രസതന്ത്ര പ്രക്രിയ എളുപ്പം നിര്വഹിക്കാനുള്ള വഴിയാണ് ക്ലിക്ക് കെമിസ്ട്രി വഴി ഇവര് രൂപപ്പെടുത്തിയത്. തന്മാത്രാ നിര്മാണശിലകള് അനായാസം ഒന്നായി കൂടിച്ചേരുകയാണ് ക്ലിക്ക് കെമിസ്ട്രിയില് സംഭവിക്കുന്നത്. ഷാര്പ്പ്ലെസിന് ഇത് രണ്ടാം തവണയാണ് കെമിസ്ട്രി നൊബേല് ലഭിക്കുന്നത്. 2001ലായിരുന്നു ആദ്യ നൊബേല്.
Discussion about this post