തിരുവനന്തപുരം: ക്രിമിനല് കേസില് പ്രതിയായ പൊലീസ് ഉദ്യോഗസ്ഥന് പി ആര് സുനുവിനെ സര്വീസില് നിന്ന് പിരിച്ചുവിട്ടു. സര്വീസിലിരിക്കെ ബലാത്സംഗമടക്കമുള്ള നിരവധി ക്രിമിനല് കേസുകളില് പ്രതിയായിരുന്നു സുനു.
പൊലീസ് ആക്ടിലെ വകുപ്പ് 86 പ്രകാരം ഡിജിപിയാണ് നടപടിയെടുത്തത്. ആദ്യമായാണ് ഈ വകുപ്പ് ഉപയോഗിച്ച് ഒരു പൊലീസ് ഉദ്യോഗസ്ഥനെ സേനയില് നിന്നും പിരിച്ചുവിടുന്നത്. 15 പ്രാവശ്യം വകുപ്പുതല നടപടിയും ആറ് സസ്പെന്ഷനും നേരിട്ട ഉദ്യോഗസ്ഥനാണ് സുനു. തുടര്ച്ചയായി കുറ്റകൃത്യത്തില് ഏര്പ്പെടുകയും ബലാല്സംഗം ഉള്പ്പെടെ ക്രിമിനല് കേസില് പ്രതിയുമായ വ്യക്തിക്ക് പൊലീസില് തുടരാന് യോഗ്യതയില്ലെന്ന് നടപടിയെടുത്ത ഡിജിപി ഉത്തരവില് വ്യക്തമാക്കിയിട്ടുണ്ട്.
