ബെംഗളൂരു: കര്ണാടക സന്ദര്ശിക്കാനൊരുങ്ങി പ്രധാനമന്ത്രി നരേന്ദ്രമോദി. ദേശീയ യുവജനോത്സവത്തില് പങ്കെടുക്കാന് ജനുവരി 12ന് കര്ണാടകയിലെ ഹുബ്ബള്ളിയില് നരേന്ദ്രമോദി എത്തുമെന്ന് മുഖ്യമന്ത്രി ബസവരാജ ബൊമ്മെ അറിയിച്ചു. കലബുര്ഗിയില് ബഞ്ചാര കണ്വെന്ഷന് നടത്താനും സര്ക്കാരിന് പദ്ധതിയുണ്ട്. എന്നാല് ഈ ചടങ്ങില് പ്രധാനമന്ത്രി പങ്കെടുക്കുമോ എന്നത് വ്യക്തമായിട്ടില്ല.
8217;28 സംസ്ഥാനങ്ങളില് നിന്നും എട്ട് കേന്ദ്രഭരണ പ്രദേശങ്ങളില് നിന്നുമുള്ള യുവജനങ്ങളാണ് ദേശീയ യുവജനോത്സവത്തില് പങ്കെടുക്കാന് കര്ണാടകയില് എത്തുന്നത്. ഏഴു ദിവസത്തെ ഉത്സവമാണിത്. പരിപാടിയുടെ ഉദ്ഘാടനത്തിന് ശേഷം പ്രധാനമന്ത്രി മടങ്ങും. നാരായണപുരയിലെ നവീകരിച്ച ഇടതുകര കനാല് രാഷ്ട്രത്തിന് സമര്പ്പിക്കാന് ജനുവരി 19-ന് പ്രധാനമന്ത്രി നാരായണപുരയില് എത്തും. കലബുര്ഗിയില് ബഞ്ചാര കണ്വെന്ഷന് നടത്താനും സര്ക്കാരിന് പദ്ധതിയുണ്ട്. എന്നാല് ഈ ചടങ്ങില് പ്രധാനമന്ത്രി പങ്കെടുക്കുന്നത് സംബന്ധിച്ച് അന്തിമ തീരുമാനമായിട്ടില്ല എന്ന് ബസവരാജ ബൊമ്മെ പറഞ്ഞു.
അതേസമയം, അസമില് ഗുവാഹത്തിയിലെ പാണ്ഡു തുറമുഖത്ത് ശേഷി വര്ദ്ധിപ്പിക്കുന്നതിനായി പണിത നോര്ത്ത് ഈസ്റ്റിനുള്ള മാരിടൈം സ്കില് സെന്റര് ജനുവരി 13-ന് പ്രധാനമന്ത്രി ഉദ്ഘാടനം ചെയ്യും. ഗുവാഹത്തിയിലെ ഉള്നാടന് ജലപാതകളുടെ വികസനത്തിനായി നിരവധി പദ്ധതികള് കേന്ദ്ര തുറമുഖ, ഷിപ്പിംഗ്, ജലപാത മന്ത്രാലയം ആസൂത്രണം ചെയ്തിരുന്നു. ആസൂത്രണം ചെയ്ത പ്രധാന സംരംഭങ്ങള് എല്ലാം മന്ത്രി സര്ബാനന്ദ സോനോവാള് തിങ്കളാഴ്ച പ്രഖ്യാപിച്ചു.
Discussion about this post