ഇസ്ലാമാബാദ്: പാക്കിസ്ഥാന് രൂപയുടെ മൂല്യത്തില് വന് ഇടിവ്. വ്യാഴാഴ്ച 24.54 രൂപ (9.61 ശതമാനം) ഇടിഞ്ഞ് പാക് രൂപ യുഎസ് ഡോളറിനെതിരേ 255.43 എന്ന റിക്കാര്ഡ് താഴ്ചയിലേക്ക് കൂപ്പുകുത്തി. പുതിയ വിനിമയ നിരക്ക് സമ്പ്രദായം ആദ്യമായി അവതരിപ്പിച്ച 1999ന് ശേഷമുള്ള ഏറ്റവും വലിയ ഒറ്റ ദിവസത്തെ ഇടിവാണിത്.
അന്താരാഷ്ട്ര നാണയ നിധിയില് (ഐഎംഎഫ്) നിന്ന് ആവശ്യമായ വായ്പകള് നേടിയെടുക്കാന് പണമില്ലാത്ത സര്ക്കാര് വിനിമയ നിരക്കിലെ പിടിയില് അയവ് വരുത്തിയതിനെ തുടര്ന്നാണ് തകര്ച്ച. ഐഎംഎഫ് പാക്ക് സര്ക്കാരിനോട് നിയന്ത്രണം അവസാനിപ്പിച്ച് കറന്സി നിരക്ക് നിര്ണയിക്കാനുള്ള അവകാശം കമ്പോള ശക്തികളെ ഏല്പ്പിക്കാന് ആവശ്യപ്പെട്ടിരുന്നു. പാക് സര്ക്കാര് ഈ വ്യവസ്ഥ അംഗീകരിച്ചു.
പാക്കിസ്ഥാന്റെ ചില ഭാഗങ്ങളില് ഒരു പാക്കറ്റ് മാവ് 3,000 രൂപയ്ക്കാണ് വില്ക്കുന്നത്. ഭക്ഷണത്തിനായി ആളുകള് വഴക്കിടുന്നതിന്റെയും ഭക്ഷണ ട്രക്കുകളെ പിന്തുടരുന്നതിന്റെയും വീഡിയോകള് സോഷ്യല് മീഡിയയില് പ്രചരിക്കുന്നുണ്ട്. വൈദ്യുതി പ്രതിസന്ധി നിമിത്തം രാജ്യം ഇരുട്ടിലാണ്.
Discussion about this post