കൊച്ചി: എറണാകുളം വരാപ്പുഴയില്‍ പടക്കശാലയിലുണ്ടായ സ്‌ഫോടനത്തില്‍ സഹോദരങ്ങളെ പ്രതിചേര്‍ത്ത് പോലീസ് കേസെടുത്തു. വെടിക്കെട്ട് നടത്തിപ്പുകാരായ ഈരയില്‍ വീട്ടില്‍ ജെന്‍സണ്‍, ജാന്‍സണ്‍ എന്നിവരെ പ്രതിചേര്‍ത്താണ് കേസെടുത്തത്.
കുറ്റകരമായ നരഹത്യ തുടങ്ങിയ കുറ്റങ്ങളാണ് ചുമത്തിയിരിക്കുന്നത്. സ്‌ഫോടനത്തില്‍ ഇവരുടെ മറ്റൊരു സഹോദരനായ ഡേവിസ് (52) മരിച്ചിരുന്നു. കുട്ടികള്‍ ഉള്‍പ്പെടെ ഏഴ് പേര്‍ക്ക് പരിക്കേറ്റു.
ഇന്നലെ വൈകുന്നേരം നാലരയോടെയാണ് വരാപ്പുഴ മുട്ടിനകം ഡിപ്പോക്കടവ് റോഡില്‍ കോണ്‍വെന്റിനു സമീപം പ്രവര്‍ത്തിക്കുന്ന പടക്കശാലയില്‍ ഉഗ്രസ്ഫോ ടനം ഉണ്ടായത്. പടക്കം സൂക്ഷിച്ചിരുന്ന കെട്ടിടവും അതിനോടു ചേര്‍ന്നുള്ള ഷെഡും പൂര്‍ണമായി തകര്‍ന്നു.
Discussion about this post