തിരുവനന്തപുരം: ശ്രീരാമദാസ മിഷന് യൂണിവേഴ്സല് സൊസൈറ്റിയുടെ ആഭിമുഖ്യത്തില് നടക്കുന്ന ശ്രീരാമനവമി രഥയാത്ര മാര്ച്ച് 8ന് കൊല്ലൂര് ശ്രീ മൂകാംബികാ ദേവീക്ഷേത്ര സന്നിധിയില്നിന്ന് ആരംഭിക്കും.
ശ്രീ മൂകാംബികാദേവിയുടെ ശ്രീകോവിലില്നിന്ന് മുഖ്യതന്ത്രി പകര്ന്നു നല്കുന്ന ജ്യോതി ശ്രീരാമദാസാശ്രമം അദ്ധ്യക്ഷന് സ്വാമി ബ്രഹ്മപാദാനന്ദസരസ്വതി തൃപ്പാദങ്ങള് ശ്രീരാമരഥത്തില് പ്രതിഷ്ഠിച്ചുകൊണ്ട് രഥപരിക്രമണത്തിന് തുടക്കം കുറിക്കും. ശ്രീരാമായണത്തിന്റെ ആദ്ധ്യാത്മികമായ ആന്തരികസത്ത ജനഹൃദയങ്ങളിലെത്തിക്കുക എന്ന സന്ദേശവുമായാണ് രഥയാത്ര നടത്തുന്നതെന്ന് ശ്രീരാമദാസ മിഷന് യൂണിവേഴ്സല് സൊസൈറ്റി അദ്ധ്യക്ഷന് എസ്.കിഷോര് കുമാര് അറിയിച്ചു.
ക്ഷേത്ര മാതൃകയില് നിര്മ്മിച്ചിട്ടുള്ള ശ്രീരാമരഥത്തില് പഞ്ചലോഹനിര്മ്മിതമായ ശ്രീരാമസീത-ആഞ്ജനേയ വിഗ്രഹം, ശ്രീരാമപാദുകം, ചൂഡാരത്നം എന്നിവയും ശ്രീരാമദാസാശ്രമ സ്ഥാപകാചാര്യന് ബ്രഹ്മശ്രീ നീലകണ്ഠഗുരുപാദരുടെയും ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെയും ഛായാചിത്രങ്ങളും നിത്യാരാധനയ്ക്കും ദര്ശനത്തിനുമായി ഉണ്ടാകും.
മാര്ച്ച് 8ന് ദക്ഷിണ കര്ണ്ണാടകം, 9ന് കാസര്ഗോഡ്, 10, 11 തീയതികളില് കണ്ണൂര്, 12, 13 തീയതികളില് കോഴിക്കോട്, 14, 15 തീയതികളില് മലപ്പുറം, 16ന് പാലക്കാട്, 17ന് പാലക്കാട്, 18ന് തൃശ്ശൂര്-എറണാകുളം, 19ന് എറണാകുളം, 20ന് ഇടുക്കി, 21, 22 തീയതികളില് കോട്ടയം, 23ന് പത്തനംതിട്ട, 24ന് ആലപ്പുഴ, 25ന് കൊല്ലം, 26 ന് കൊല്ലം-തിരുവനന്തപുരം വഴി കന്യാകുമാരി, 27ന് കന്യാകുമാരി-തിരുവനന്തപുരം, 28ന് തിരുവനന്തപുരം, 29ന് ചേങ്കോട്ടുകോണം ശ്രീരാമദാസ ആശ്രമത്തിലെ ജ്യോതിക്ഷേത്ര സന്നിധിയില് വൈകുന്നേരം 5.00ന് ശ്രീരാമനവമി സമ്മേളനം നടക്കും. സമ്മേളനത്തില് 2023-ലെ ആശ്രമസേവാ പുരസ്കാരം സമ്മാനിക്കുന്നതാണ്. ശ്രീരാമനവമി ദിനമായ മാര്ച്ച് 30ന് തിരുവനന്തപുരം നഗരത്തില് പാദുകസമര്പ്പണ ശോഭായാത്രയ്ക്കുശേഷം ചേങ്കോട്ടുകോണം ശ്രീരാമദാസ ആശ്രമത്തില് രഥയാത്ര സമാപിക്കും.
Discussion about this post