കൊച്ചി: ലൈഫ് മിഷന് കോഴ കേസില് മുഖ്യമന്ത്രിയുടെ അഡീഷണല് പ്രൈവറ്റ് സെക്രട്ടറി സി എം രവീന്ദ്രന് എന്ഫോഴ്സ്മെന്റ് ഡയറക്ടറേറ്റ് വീണ്ടും നോട്ടീസയച്ചു. മാര്ച്ച് ഏഴിന് ചോദ്യം ചെയ്യലിന് ഹാജരാകാനാണ് നിര്ദ്ദേശം.
ഫെബ്രുവരി 27ന് ഹാജരാകാന് നോട്ടീസ് നല്കിയിരുന്നെങ്കിലും ഔദ്യോഗിക തിരക്കുകള് ചൂണ്ടിക്കാട്ടി രവീന്ദ്രന് ചോദ്യം ചെയ്യലിന് ഹാജരായിരുന്നില്ല. രണ്ടാമതും നോട്ടീസ് നല്കിയ സാഹചര്യത്തില് ചോദ്യം ചെയ്യലിന് ഹാജരാകാന് സി എം രവീന്ദ്രന് നിര്ബന്ധിതനായേക്കും.
നിയമസഭാ സമ്മേളനം നടക്കുന്നതിനാല് ചോദ്യം ചെയ്യലിന് ഹാജരാകാന് സാധിക്കില്ലെന്നായിരുന്നു കഴിഞ്ഞ ദിവസം രവീന്ദ്രന് ഇ ഡിയെ അറിയിച്ചിരുന്നത്. നേരത്തേ സ്വര്ണക്കടത്തുമായി ബന്ധപ്പെട്ട ചോദ്യം ചെയ്യലിന് നോട്ടീസ് നല്കിയപ്പോഴും രവീന്ദ്രന് പലവട്ടം ഹാജരാകാതിരിക്കുകയും വിശദീകരണം നല്കുകയും ചെയ്തിരുന്നു.
Discussion about this post