തിരുവനന്തപുരം: ആരോഗ്യപ്രവര്ത്തകരുടെ സുരക്ഷ ഉറപ്പാക്കുന്നതുമായി ബന്ധപ്പെട്ട നടപടികള് ചര്ച്ച ചെയ്യാന് മുഖ്യമന്ത്രി പിണറായി വിജയന് അടിയന്തിര യോഗം വിളിച്ചു.
നിയമനിര്മ്മാണം അടക്കമുള്ള വിഷയങ്ങള് യോഗത്തില് ചര്ച്ചയാകും. ഉച്ചയ്ക്ക് 3.30ന് മുഖ്യമന്ത്രിയുടെ കോണ്ഫറന്സ് ഹാളിലാണ് യോഗം ചേരുക.
കൊട്ടാരക്കരയില് ഡോക്ടര് വന്ദനാ ദാസ് കൊല്ലപ്പെട്ട സംഭവത്തിന്റെ പശ്ചാത്തലത്തിലാണ് മുഖ്യമന്ത്രി യോഗം വിളിച്ചത്. ആരോഗ്യ മന്ത്രി വീണാ ജോര്ജ്, ചീഫ് സെക്രട്ടറി, ആഭ്യന്തര സെക്രട്ടറി, ആരോഗ്യ വകുപ്പ് സെക്രട്ടറി, നിയമ സെക്രട്ടറി, മെഡിക്കല് വിദ്യാഭ്യാസ ഡയറക്ടര്, സംസ്ഥാന പൊലീസ് മേധാവി, എഡിജിപിമാര്, ബന്ധപ്പെട്ട മറ്റു വകുപ്പ് തലവന്മാര് എന്നിവരുടെ അടിയന്തിര യോഗമാണു ചേരുന്നത്.
Discussion about this post