തിരുവനന്തപുരം: മറുനാടന് മലയാളി ഓണ്ലൈന് സ്ഥാപന ഉടമ ഷാജന് സ്കറിയയ്ക്കെതിരായ കേസിന്റെ പേരില് അവിടെ ജോലി ചെയ്യുന്ന വനിതാ മാധ്യമപ്രവര്ത്തകര് ഉള്പ്പടെയുള്ളവരുടെ വീടുകളില് നടന്ന പോലീസ് റെയ്ഡിനെതിരേ കേരള പത്രപ്രവര്ത്തക യൂണിയന് രംഗത്ത്. പലരുടെയും മൊബൈല് അടക്കം പോലീസ് പിടിച്ചെടുത്തു. കേരളത്തില് കേട്ടുകേള്വിയില്ലാത്ത നടപടികളാണ് പോലീസിന്റെ ഭാഗത്തുനിന്നുണ്ടാകുന്നത്.
സ്ഥാപന ഉടമയ്ക്കെതിരേ കേസുണ്ടെങ്കില് അന്വേഷണം നടത്തി കുറ്റക്കാരനെന്ന് കണ്ടാല് ശിക്ഷിക്കണം. എന്നാല് ഉടമയ്ക്കെതിരായ കേസിന്റെ പേരില് സ്ഥാപനത്തിലെ തൊഴിലാളികളുടെ വീടുകളില് നടക്കുന്ന റെയ്ഡ് പ്രതിഷേധാര്ഹമാണ്. ഉടമയെ കിട്ടിയില്ലെങ്കില് തൊഴിലാളികളെ കുടുക്കുമെന്ന പോലീസ് ഭീഷണി അന്തസുള്ള നടപടിയല്ലെന്ന് യൂണിയന് പ്രസിഡന്റ് എം.വി. വിനീതയും ജനറല് സെക്രട്ടറി ആര്. കിരണ് ബാബുവും പറഞ്ഞു.
Discussion about this post