തിരുവനന്തപുരം: സംസ്ഥാനത്ത് 11 ജില്ലകളില് യെല്ലോ അലര്ട്ട് പ്രഖ്യാപിച്ചു. ആലപ്പുഴ മുതല് കാസര്കോട് വരെയുള്ള ജില്ലകളിലാണ് മഴ മുന്നറിയിപ്പ്. ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാദ്ധ്യതയുണ്ടെന്നും കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു.
അടുത്ത അഞ്ച് ദിവസം കേരളത്തില് ഇടത്തരം മഴയ്ക്ക് സാദ്ധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം ഇന്നലെ അറിയിച്ചിരുന്നു. വടക്കന് ഒഡീഷയ്ക്ക് മുകളിലായി ശക്തി കൂടിയ ന്യൂനമര്ദം സ്ഥിതി ചെയ്യുന്നതാണ് കേരളത്തില് മഴയ്ക്ക് കാരണമായത്. അടുത്ത രണ്ട് ദിവസം ഛത്തീസ്ഗഡ് -കിഴക്കന് മദ്ധ്യപ്രദേശ് മേഖലയിലേയ്ക്ക് ഈ ന്യൂനമര്ദം നീങ്ങാന് സാദ്ധ്യതയുണ്ട്. തെക്ക് – കിഴക്കന് ഉത്തര്പ്രദേശിനും വടക്ക് – കിഴക്കന് മദ്ധ്യപ്രദേശിനും മുകളിലായി ചക്രവാതച്ചുഴിയും നിലനില്ക്കുന്നുണ്ട്. ഇതിന്റെ സ്വാധീനവും കേരളത്തില് മഴയ്ക്ക് കാരണമാണ്.
Discussion about this post