തിരുവനന്തപുരം: ആറ്റുകാല് പൊങ്കാലയോടനുബന്ധിച്ച് ഞായറാഴ്ച മൂന്ന് സ്പെഷ്യല് ട്രെയിന് അനുവദിച്ചതായി റെയില്വേ. എറണാകുളത്തു നിന്നും നാഗര്കോവിലില് നിന്നും മെമു സ്പെഷ്യല് ട്രെയിനുകളാണ് തിരുവനന്തപുരത്തേക്ക് സര്വ്വീസ് നടത്തുന്നത്. തിരുവനന്തപുരം – കൊല്ലം, നാഗര്കോവില് – തിരുവനന്തപുരം സെക്ഷനുകളില് വിവിധ ട്രെയിനുകള്ക്ക് ഞായറാഴ്ച അധിക സ്റ്റോപ്പുകളും അനുവദിച്ചിട്ടുണ്ട്.
എറണാകുളം- തിരുവനന്തപുരം സെന്ട്രല് സ്പെഷ്യല് മെമു 25ന് എറണാകുളത്ത് നിന്ന് പുലര്ച്ചെ 1.45ന് പുറപ്പെടും. 6.30 തിരുവനന്തപുരം സെന്ട്രലില് എത്തും. തിരുവനന്തപുരം സെന്ട്രല് എറണാകുളം മെമു സ്പെഷ്യല് അന്ന് പകല് 3.30ന് തിരുവനന്തപുരം സെന്ട്രലില് നിന്ന് പുറപ്പെടും. നാഗര്കോവില്- തിരുവനന്തപുരം സെന്ട്രല് മെമു സ്പെഷ്യല് നാഗര്കോവില് നിന്ന് പുലര്ച്ചെ 2.15ന് പുറപ്പെടും. ട്രെയിന് 3.32ന് തിരുവനന്തപുരം സെന്ട്രലില് എത്തും. മംഗളൂരു സെന്ട്രല്- തിരുവനന്തപുരം സെന്ട്രലിന് (16348) പരവൂര്, വര്ക്കല, കടയ്ക്കാവൂര് എന്നിവിടങ്ങളില് സ്റ്റോപ്പ് അനുവദിച്ചിട്ടുണ്ട്.
Discussion about this post