തിരുവനന്തപുരം: മുഖ്യമന്ത്രി പിണറായി വിജയനെതിരേ നടത്തിയ വിവാദ പരാമര്ശത്തില് വിമര്ശനം ശക്തമായതോടെ മാപ്പുപറഞ്ഞ് പി.വി. അന്വര് എംഎല്എ. വീഡിയോ സന്ദേശത്തിലാണ് അന്വറിന്റെ ഖേദപ്രകടനം. ‘മുഖ്യമന്ത്രിയുടെ അപ്പന്റെ അപ്പനായാലും മറുപടി പറയും’ എന്ന പരാമര്ശം ബോധപൂര്വം ആയിരുന്നില്ലെന്നും ഇതില് മാപ്പ് ചോദിക്കുന്നുവെന്നും അന്വര് പറഞ്ഞു.
മുഖ്യമന്ത്രിയുടെ അപ്പന്റെ അപ്പന് എന്ന അര്ഥത്തിലല്ല, എന്നെ കള്ളനാക്കിക്കൊണ്ട് മുഖ്യമന്ത്രി നടത്തിയ സ്റ്റേറ്റ്മെന്റിനെതിരേ എതു വലിയ ഉന്നതനായാലും മറുപടി പറയുമെന്ന നിലയിലാണ് അങ്ങനെ പറഞ്ഞത്. വാക്കുകള് അങ്ങനെയായിപ്പോയതില് അങ്ങേയറ്റം ഖേദമുണ്ട്. മുഖ്യമന്ത്രിയോടും കുടുംബത്തോടും മുഖ്യമന്ത്രിയുമായി ബന്ധപ്പെട്ട എല്ലാവരോടും ആത്മാര്ഥമായി ക്ഷമ ചോദിക്കുന്നു. സംഭവത്തില് ഖേദം പ്രകടിപ്പിക്കുകയാണ്. തന്റെ വാക്കുകള് ആരും ദയവായി ആ അര്ഥത്തില് എടുക്കരുതെന്നും അന്വര് പറഞ്ഞു.
Discussion about this post