തിരുവനന്തപുരം : വഞ്ചിയൂരില്‍ ജൂനിയര്‍ അഭിഭാഷകയെ ആക്രമിച്ച ബെയ്‌ലിന്‍ ദാസിന് ജാമ്യമില്ല. ഇയാളെ കോടതി ഈ മാസം 27 വരെ റിമാന്‍ഡ് ചെയ്തു. പരാതിക്കാരി ശ്യാമിലി തന്നെ മര്‍ദിച്ചുവെന്ന് പ്രതിഭാഗം വാദിച്ചെങ്കിലും കോടതി അത് പരിഗണിച്ചില്ല.
സീനിയര്‍ അഭിഭാഷകന്‍ ദിലീപ് സത്യനാണ് പ്രതിക്ക് വേണ്ടി കോടതിയില്‍ ഹാജരായത്. ലോയേഴ്‌സ് കോണ്‍ഗ്രസിന്റെ പ്രതിനിധിയാണ് ദിലീപ് സത്യന്‍
ശ്യാമിലി മര്‍ദ്ദിച്ചു എന്ന് ബെയ്ലിന്റെ അഭിഭാഷകന്‍ വാദിച്ചു, ചെവിയില്‍ അടിച്ചുവെന്നും കേള്‍വിക്ക് തകരാറുണ്ട് എന്നും ഇയാള്‍ വാദിച്ചു. പുരികത്തിനു മുകളില്‍ നഖം കൊണ്ട് മുറിവേറ്റ പാടുണ്ട് എന്നും അവകാശപ്പെട്ടു. കണ്ണട ശാമിലി പൊട്ടിച്ചു എന്നും കോടതിയില്‍ പ്രതിഭാഗം വാദിച്ചു.
Discussion about this post