തിരുവനന്തപുരം: ശബരിമല ദര്ശനം ഉള്പ്പെടെ നാലുദിവസത്തെ സന്ദര്ശനത്തിന് രാഷ്ട്രപതി ദ്രൗപദി മുര്മു ചൊവ്വാഴ്ച കേരളത്തിലെത്തും. ബുധനാഴ്ചയാണ് ശബരിമല ദര്ശനം.ചൊവ്വാഴ്ച വൈകിട്ട് 6.20ന് തിരുവനന്തപുരം അന്താരാഷ്ട്ര വിമാനത്താവളത്തിലെത്തുന്ന രാഷ്ട്രപതി അന്ന് രാജ്ഭവനില് തങ്ങും. ബുധന് രാവിലെ 9.20ന് തിരുവനന്തപുരത്തുനിന്ന് ഹെലികോപ്റ്ററില് പുറപ്പെട്ട് 10.20ന് നിലക്കല് ഹെലിപാഡിലെത്തും. റോഡു മാര്ഗം പമ്പയിലും തുടര്ന്ന് ശബരിമലയിലും എത്തും. പകല് 11.55മുതല് 12.25വരെ ശബരിമലയിലുണ്ടാകും. വൈകിട്ട് 5.30ന് രാജ്ഭവനില് മടങ്ങിയെത്തും.
വ്യാഴം രാവിലെ 10ന് രാജ്ഭവന് വളപ്പില് മുന് രാഷ്ട്രപതി കെ ആര് നാരായണന്റെ പ്രതിമ അനാച്ഛാദനംചെയ്യും. 12.20ന് ശിവഗിരിയില് ശ്രീനാരായണ ഗുരു മഹാസമാധിയുടെ ശതാബ്ദി പരിപാടിയും വൈകിട്ട് 4.15ന് പാലാ സെന്റ് തോമസ് കോളേജിന്റെ പ്ലാറ്റിനം ജൂബിലി ആഘോഷം സമാപനവും ഉദ്ഘാടനംചെയ്യും. രാത്രി കുമരകം താജ് റിസോര്ട്ടില് തങ്ങും. വെള്ളി പകല് 12.10ന് എറണാകുളം സെന്റ് തെരേസാസ് കോളേജിന്റെ ശതാബ്ദി ആഘോഷത്തില് പങ്കെടുക്കും. 1.20ന് കൊച്ചി നേവല് ബേസില്നിന്ന് നെടുമ്പാശേരി വിമാനത്താവളത്തിലെത്തി നാവികസേനയുടെ പ്രത്യേക വിമാനത്തില് ഡല്ഹിയിലേക്ക് മടങ്ങും.
