തിരുവനന്തപുരം : കേരളാ സര്ക്കാറിന്റെ വിദ്യാര്ത്ഥി വഞ്ചനയില് പ്രതികരണവുമായി എബിവിപി. പി എം ശ്രീ പദ്ധതിയില് നിന്ന് പിന്നോട്ട് പോയാല് സമരവുമായി മുന്നോട്ട് പോകുമെന്ന് എബിവിപി.
പി എം ശ്രീയില് നിന്നുള്ള പിന്മാറ്റം സിപിഐയെ ഒപ്പം നിര്ത്താന് വേണ്ടി മാത്രമാണ്. NEP പഠിച്ചു കുഴപ്പമില്ല എന്നുപറഞ്ഞ വിദ്യാഭ്യാസ മന്ത്രി എങ്ങനെയാണ് പിന്നോട്ട് പോകുന്നത്, സിപിഐയെ സംരക്ഷിക്കാന് വേണ്ടിയാണ് പിന്മാറ്റം.
സര്ക്കാര് പദ്ധതിയുമായി മുന്നോട്ട് പോകുമെന്നാണ് എബിവിപി കരുതുന്നത്.പദ്ധതിയില് നിന്ന് പിന്നോട്ട് പോയാല് എബിവിപി സമരവുമായി മുന്നോട്ട് പോകും.” എബിവിപി സംസ്ഥാന സെക്രട്ടറി ഈ യു ഈശ്വരപ്രസാദ് മാധ്യമങ്ങളോട് പറഞ്ഞു.
പി എം ശ്രീ പദ്ധതിയില് ഒപ്പുവയ്ക്കാനുള്ള സംസ്ഥാന സര്ക്കാരിന്റെ തീരുമാനത്തെ എബിവിപി നേരത്തെ സ്വാഗതം ചെയ്തിരുന്നു. ഇക്കാര്യം ആവശ്യപ്പെട്ടുള്ള എബിവിപി സമരത്തെ എസ്എഫ്ഐക്കാരെ വെച്ച് അടിച്ചമര്ത്താനാണ് അന്ന് സര്ക്കാര് ശ്രമിച്ചത്. എബിവിപി ഒഴികെയുള്ള എല്ലാ വിദ്യാര്ത്ഥി സംഘടനകളും പദ്ധതിയില് ഒപ്പുവയ്ക്കരുത് എന്നാണ് ആവശ്യപ്പെട്ടത്. എബിവിപി ആവശ്യം ഇപ്പോള് സര്ക്കാര് അംഗീകരിച്ചു. എന്നാല് സിപിഐ ഉള്പ്പെടെ ഇപ്പോഴും പദ്ധതിയെ എതിര്ക്കുന്നത് വിദ്യാര്ത്ഥികളോട് ചെയ്യുന്ന തെറ്റാണെന്നും പദ്ധതിയില് നിന്നും പിന്മാറിയാല് വീണ്ടും സമര രംഗത്തിറങ്ങുമെന്നും എബിവിപി നേരത്തെ തന്നെ വ്യക്തമാക്കിയിരുന്നു.
