തിരുവനന്തപുരം: ശ്രീരാമദാസ ആശ്രമം സ്ഥാപകാചാര്യനും ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെ ഗുരുനാഥനും അദ്ധ്യാത്മരാമായണ സാധനാവൃത്തിയിലൂടെ ആത്മനിര്വൃതി നേടിയ മഹാപ്രഭുവുമായ ബ്രഹ്മശ്രീ നീലകണ്ഠഗുരുപാദരുടെ 126-ാം അവതാര ജയന്തി 2025 ഡിസംബര് 19ന് (1201 ധനു 4ന്) വെള്ളിയാഴ്ച തൃക്കേട്ട നക്ഷത്രത്തില് ഭക്തിനിര്ഭരമായ ചടങ്ങുകളോടെ ആഘോഷിക്കുന്നു.
ചേങ്കോട്ടുകോണം ശ്രീരാമദാസ ആശ്രമത്തില് രാവിലെ 6.00ന് ആരാധന, 7.00ന് അഹോരാത്ര ശ്രീരാമായണപാരായണ സമാരംഭം, 7.30ന് ലക്ഷാര്ച്ചന സമാരംഭം, 8ന് കഞ്ഞിസദ്യ, 9:30ന് അക്ഷരശ്ലോക സദസ്സ്(ജ്യോതിക്ഷേത്രത്തില്), 10ന് ഹനുമത് പൊങ്കാല(ജ്യോതിക്ഷേത്രത്തില്), ഉച്ചയ്ക്ക് 1ന് അമൃതഭോജനം, 2ന് ഭജന(മിഥില ഭജന സമിതി, ശ്രീരാമദാസ ആശ്രമം), വൈകുന്നേരം 4.00ന് അക്ഷരശ്ലോകസദസ്സ് സമാപനവും സമ്മാനദാനവും(ജ്യോതിക്ഷേത്രത്തില്), 5ന് സംഗീതാര്ച്ചന, രാത്രി 7ന് ലക്ഷാര്ച്ചന സമര്പ്പണം, 8ന് ഭജന, 8.30ന് ആരാധന. ഡിസംബര് 20ന് വെളുപ്പിന് 4ന് ശ്രീശക്തി ശാന്താനന്ദ മഹര്ഷിയുടെ മുഖ്യകാര്മ്മികത്വത്തില് നടക്കുന്ന ശ്രീരാമപട്ടാഭിഷേകത്തോടെ ചടങ്ങുകള് സമാപിക്കും.
