തിരുവനന്തപുരം: ഹിന്ദുധര്മ്മ പരിഷത്തിന്റെ ആഭിമുഖ്യത്തില് ശ്രീപത്മനാഭസ്വാമി ക്ഷേത്രത്തിന്റെ തെക്കേ നടയിലുള്ള പ്രിയദര്ശിനി ഹാളില് 16-ാമത് അനന്തപുരി ഹിന്ദുമഹാസമ്മേളനത്തിന് തുടക്കമായി. ചേങ്കോട്ടുകോണം ശ്രീരാമദാസമിഷന് അധ്യക്ഷന് ശ്രീശക്തി ശാന്താനന്ദ മഹര്ഷി തൃപ്പാദങ്ങള് സമ്മേളനത്തിന്റെ ദീപപ്രോജ്ജ്വലനവും അനുഗ്രഹ പ്രഭാഷണവും നിര്വഹിച്ചു. അഡ്വ.ശാസ്തമംഗലം എസ്.അജിത് കുമാറിന്റെ അധ്യക്ഷതയില് ചേര്ന്ന സമ്മേളനത്തിന്റെ ഉദ്ഘാടനം കേരള ഹൈക്കോടതി റിട്ട.ജസ്റ്റിസ് എന്.നഗരേഷ് നിര്വഹിച്ചു. ഹിന്ദുധര്മ്മ പരിഷദ് ചെയര്മാന് ചെങ്കല് എസ്.രാജശേഖരന് നായര്, എം.ഗോപാല്, അഡ്വ.ബി.ഗോപാലകൃഷ്ണന്, പി.അശോക് കുമാര്, കെ.പി.സാജു തുടങ്ങിയവര് സംസാരിച്ചു. സമ്മേളനത്തില് നര്ത്തകി ഗോപികാവര്മ്മയെ ആദരിച്ചു. അനന്തപുരി ഹിന്ദുമഹാസമ്മേളനം ഏപ്രില് 30 മുതല് മെയ് 3 വരെയാണ് സമ്മേളനം നടക്കുന്നത്.
അനന്തപുരി ഹിന്ദുമഹാസമ്മേളനത്തിന് ഭക്തിനിര്ഭരമായ തുടക്കം
പുതിയ വാർത്തകൾ
