ചണ്ഡിഗഡ്: പഞ്ചാബില്‍ സര്‍ക്കാര്‍ ഉടമസ്ഥതയിലുള്ള രണ്ടു റോഡ് ട്രാന്‍സ്പോര്‍ട്ട് കോര്‍പറേഷനുകള്‍ക്കു സ്വകാര്യപമ്പുകളില്‍നിന്നു ഡീസല്‍ വാങ്ങാന്‍ സര്‍ക്കാര്‍ നിര്‍ദേശം. പഞ്ചാബ് റോഡ് വേയ്സ്, പെപ്സു റോഡ് ട്രാന്‍സ്പോര്‍ട്ട് കോര്‍പറേഷന്‍(പിആര്‍ടിസി) എന്നിവയാണു പഞ്ചാബില്‍ സര്‍ക്കാര്‍ ഉടമസ്ഥതയിലുള്ള ട്രാന്‍സ്പോര്‍ട്ട് കോര്‍പറേഷനുകള്‍. വലിയ ഉപയോക്താവ് എന്ന നിലയില്‍ ഡീസല്‍ ലിറ്ററിനു അമിത നല്‍കേണ്ടി വരുന്നതുമൂലമാണ് ഇങ്ങനെ ഒരു നടപടിക്ക് മുതിരുന്നതെന്ന് പഞ്ചാബ് ട്രാന്‍സ്പോര്‍ട്ട് സെക്രട്ടറി മന്‍ദീപ് സിംഗ് പറഞ്ഞു.
സ്വകാര്യപമ്പുകളില്‍നിന്നു ഡീസല്‍ ലഭ്യമാക്കുന്നതു സംബന്ധിച്ച ക്വട്ടേഷന്‍ സമര്‍പ്പിക്കാന്‍ ഓരോ ഡിപ്പോ ജനറല്‍ മാനേജര്‍മാര്‍ക്കും നിര്‍ദേശം നല്‍കിയിട്ടുണ്ട്. എണ്ണക്കമ്പനികള്‍ക്കു വിലനിര്‍ണയാവകാശം നല്‍കിയതിനെത്തുടര്‍ന്നു വലിയ ഉപയോക്താക്കള്‍ 10.81 രൂപ അധികം നല്‍കേണ്ടിവരും. ഡീസല്‍ വിലവര്‍ധനമൂലം പ്രതിമാസം പഞ്ചാബ് റോഡ്വേസിന് 50 കോടി രൂപയും പിആര്‍ടിസിക്ക് 35 കോടി രൂപയും നഷ്ടം നേരിടേണ്ടി വരും.
Discussion about this post