ന്യൂഡല്ഹി: മഹാരാഷ്ട്ര ഗവര്ണര് കെ. ശങ്കരനാരായണന് രാജിവച്ചു. മിസോറാമിലേക്കു സ്ഥലം മാറ്റിയതില് പ്രതിഷേധിച്ചാണ് ശങ്കരനാരായണന് ഗവര്ണര് സ്ഥാനം രാജിവച്ചത്. മിസോറാമിലേക്കു പോകാന് തനിക്കിപ്പോളാവില്ലെന്നും ഇനിയും സജീവരാഷ്ര്ട്രീയത്തിലിറങ്ങുമെന്നും രാജിക്കത്ത് രാഷ്ട്രപതിഭവനു കൈമാറിയതിനുശേഷം ശങ്കരനാരായണന് മുംബൈയില് വ്യക്തമാക്കി.
ഗവര്ണറായിരുന്ന കാലം എല്ലാ പാര്ട്ടികളുമായും രാഷ്ട്രീയത്തിനതീതമായ ബന്ധമായിരുന്നുവെന്നും ഇനി മുതല് രാഷ്ട്രീയത്തില് സജീവമാകുമെന്നും രാജിവച്ചതിനു ശേഷം മാധ്യമങ്ങളെ കണ്ട ശങ്കരനാരായണന് വ്യക്തമാക്കി. രാജിവച്ചതിന്റെ കാരണങ്ങള് വ്യക്തമാക്കാനാവില്ലെന്നും താന് ഭരണഘടനയെ ബഹുമാനിക്കുന്നയാളാണെന്നും മാധ്യമ പ്രവര്ത്തകരുടെ ചോദ്യത്തിന് അദ്ദേഹം മറുപടി നല്കി.
Discussion about this post