തിരുവനന്തപുരം: നിയമസഭാ സന്ദര്‍ശന പരിപാടിയുടെ ഭാഗമായി 14-ന് വിവിധ സ്‌കൂളുകളില്‍ നിന്നും കഴിഞ്ഞ എസ്.എസ്.എല്‍.സി. പരീക്ഷയില്‍ എല്ലാ വിഷയത്തിനും എ പ്ലസ് നേടിയ 80 ഓളം വിദ്യാര്‍ത്ഥികള്‍ നിയമസഭയിലെത്തുന്നു. നിയമസഭയോടൊത്ത് ഒരു വേനലവധി എന്ന ഏകദിന സന്ദര്‍ശന പരിപാടി സ്പീക്കര്‍ എന്‍.ശക്തന്‍ 14-ന് രാവിലെ 10.30-ന് നിയമസഭാ ബാങ്ക്വറ്റ് ഹാളില്‍ ഉദ്ഘാടനം ചെയ്യും.
മജീഷ്യന്‍ ഗോപിനാഥ് മുതുകാടും കുട്ടികളുമായുള്ള സംവാദത്തില്‍ പങ്കെടുക്കും. തുടര്‍ന്ന് വിദ്യാര്‍ത്ഥികള്‍ നിയമസഭാ ചേംബറും മ്യൂസിയവും സന്ദര്‍ശിക്കും. വിദ്യാര്‍ത്ഥികളില്‍ ജനാധിപത്യബോധവും മൂല്യങ്ങളും വളര്‍ത്തിയെടുക്കുന്നതിനായി നിയമസഭയുടെ പാര്‍ലമെന്ററി പരിശീലന കേന്ദ്രമാണ് പരിപാടി സംഘടിപ്പിക്കുന്നത്.
Discussion about this post