തിരുവനന്തപുരം: ഹെരിറ്റേജ് ക്ലബുകളില് ഏറ്റവും നല്ല പ്രവര്ത്തനം കാഴ്ചവയ്ക്കുന്ന സ്കൂളുകള്ക്ക് സംസ്ഥാന ആര്ക്കൈവ്സ് വകുപ്പ് ഏര്പ്പെടുത്തിയിട്ടുള്ള 2014 വര്ഷത്തെ ഹെരിറ്റേജ് അവാര്ഡുകള് ഡോ.ബി.ശോഭനന് ചെയര്മാനായിട്ടുള്ള ഹെരിറ്റേജ് അവാര്ഡ് നിര്ണയ കമ്മിറ്റി പ്രഖ്യാപിച്ചു. ഒന്നാംസമ്മാനം പട്ടാമ്പി പള്ളിപ്പുറം പരുതൂര് ഹയര് സെക്കന്ഡറി സ്കൂള്, രണ്ടാം സമ്മാനം ഇടുക്കി രാജക്കാട് ഗവണ്മെന്റ് ഹയര് സെക്കന്ഡറി സ്കൂള്, മൂന്നാംസമ്മാനം കൊട്ടാരക്കര താമരക്കുടി ശിവവിലാസം വി.എച്ച്.എസ്, തിരുവനന്തപുരം പാറയ്ക്കല് ഗവണ്മെന്റ് യു.പി.എസ്, പ്രോത്സാഹന സമ്മാനം മലപ്പുറം പെരുവള്ളൂര് ഗവണ്മെന്റ് എച്ച്.എസ്.എസ്, വളവന്നൂര് ബി.വൈ.കെ.വി.എച്ച്.എസ്.എസ്. ഒന്നാം സമ്മാനം 25,000 രൂപയും രണ്ടാം സമ്മാനം 15,000 രൂപയും മൂന്നാം സമ്മാനം 10,000 രൂപയും പ്രോത്സാഹന സമ്മാനം 5,000 രൂപയും ക്യാഷ് അവാര്ഡ് നല്കുന്നു. ക്യാഷ് അവാര്ഡിന് പുറമേ പ്രശസ്ത ചരിത്രകാന്മാരായ ഇളംകുളം കുഞ്ഞന്പിള്ള, കെ.പി.പത്മനാഭമേനോന്, മുന് ആര്ക്കൈവ്സ് ഡയറക്ടര് ഡോ.എന്.രാജേന്ദ്രന് സ്മാരക എന്ഡോവ്മെന്റുകളും നല്കുന്നതാണ്. അവാര്ഡുകള് സാംസ്കാരിക മന്ത്രി കെ.സി.ജോസഫ് പ്രത്യേക ചടങ്ങില് വിതരണം ചെയ്യും.
2014 ലെ ഹെരിറ്റേജ് അവാര്ഡുകള് പ്രഖ്യാപിച്ചു
പുതിയ വാർത്തകൾ
Discussion about this post