തിരുവനന്തപുരം: കേരള ഭാഷാ ഇന്സ്റ്റിറ്റിയൂട്ട് പുരസ്കാരങ്ങള് നല്കുന്നതിന് രചനകള് ക്ഷണിച്ചു. എന്.വി.കൃഷ്ണവാര്യരുടെ പേരില് വൈജ്ഞാനിക സാഹിത്യത്തിലെ മികച്ച കൃതിക്കും വൈക്കം മുഹമ്മദ് ബഷീറിന്റെ പേരില് സര്ഗാത്മക സാഹിത്യത്തിലെ മികച്ച നോവല്/ചെറുകഥയ്ക്കും ഡോ.കെ.എം.ജോര്ജിന്റെ പേരില് നിരൂപണത്തിനും എം.പി.കുമാരന്റെ പേരില് വിവര്ത്തനത്തിനുമാണ് പുരസ്കാരങ്ങള് നല്കുന്നത്.
ഏറ്റവും മികച്ച കൃതികള്ക്ക് പതിനായിരം രൂപയും പ്രശസ്തിപത്രവും ഫലകവും നല്കും. 2014-15 വര്ഷങ്ങളില് ആദ്യപതിപ്പായി പ്രസിദ്ധീകരിച്ച കൃതികള്ക്കാണ് പുരസ്കാരം നല്കുക. ഗ്രന്ഥകര്ത്താക്കള്ക്കും, പ്രസിദ്ധീകരണശാലകള്ക്കും അഭ്യുദയകാംക്ഷികള്ക്കും കൃതികള് അയക്കാം. കൃതികളുടെ നാല് കോപ്പി വീതം ഡയറക്ടര്, കേരള ഭാഷാ ഇന്സ്റ്റിറ്റിയൂട്ട്, നളന്ദ, തിരുവനന്തപുരം-695003 വിലാസത്തില് ഒക്ടോബര് അഞ്ചിന് മുമ്പായി എത്തിക്കണം.
Discussion about this post